Titus 3:15 - Nan Hapit Apu Dios

¹⁵ An namin nadan i'iba ta'uhtu ya pohdondan ipa'innila' i he''a an nomnomnomon da'a ya atbohdih nadan ibba ta'un kimmulug hina. Ot hanat nan homo' Apu Dios di minaynayun i da'yun namin.

Titus 3:15 ပူးပေါင်းရင်းမြစ်များ

Hebrew 13:25

Ot hanat minaynayun nan homo' Apu Dios i dita'un namin.

1 Timothy 1:5

Hay gapunah pangituguna' ituwe ya ta mumpopohhodan ta'un namin an gapuh nan immannung an pangulug ta'un Jesu Kristu. Te madinol ta'un ma''id ha bahul ta'u hi manandih nan niyatan ta'un Apu Dios an gapuh nan naminhod ta'un mangat hinadan pohdona.

Kolosi 4:18

Hituwen dappuhna ya ha''on an hi Paul di nangitudo' an nomnomnomon da'yu. Ya hanat nomnomnomona' an wahtun baludan. Ot hanat minaynayun nan homo' Apu Dios i da'yu.

Galasya 5:6

Te dita'un nangabulut i Jesu Kristu hi nitaguwan ta'u ya ma''id ha numpahhiwan nadan tatagun nakugit hinadan agge nakugit. Mu ha ahan di pohdon Apu Dios ya nan pangunudan ta'u i Kristu an hay atigana ya nan pamhodan ta'uh nadan ibba ta'u.

3 John 1:1

Ha''on an mibilang hi ap'apuyu ya muntudo'a' i he''a ibba' Geyus an pohpohdo'.

Philemon 1:5

Te dingngol'uy anahamad di pangulugmuh nan Ap'apu ta'un hi Jesus ya nan pamhodmuh nadan ibba ta'un kimmulug i Apu Dios.

2 Timothy 4:22

Ot hanat nan Ap'apu ta'un hi Jesu Kristuy nanongnah wadah nitaguwanyu. Ya hanat nan homo' Apu Dios di minaynayun i da'yu.

1 Timothy 1:2

Hituwey tudo''un he"a Timothy an ibilang'uh imbabale' an gapuh nangunudam hinan tudtudun inunud'u. Hanat malinggop'a ya minaynayun i he"a nan homo' Apu Dios an hi Ama ta'u ya nan Ap'apu ta'un hi Jesu Kristu.

1 Kulintu 16:23

Ot hanat minaynayun an hom'on dita'u hinan Ap'apu ta'un hi Jesu Kristu.

Matthew 5:47

Ya atbohdi hi'on ammuna nadan i'ibayu hi apngaonyu te nganne damdamay numpahhiwanyu hinadan agge nanginnilan Apu Dios an athidiy pangatda.

Apostoles 20:34

te an namin ayu ya innilayun nan bino'la' di inggattang'uh nadan mahapulmih nadan nun'ibba'.