Sekariah 2:12 - Nan Hapit Apu Dios

¹² Ya mumbalin hi ad Judah hi boblen Apu Dios ya hi ad Jerusalem di ibilangnah iha"adana.

Sekariah 2:12 ပူးပေါင်းရင်းမြစ်များ

2 Chronicles 6:6

Mu ad uwani ya pinili' tun ad Jerusalem ta hituy pundayawanyu i ha"on. Ot pot'o' boh David ta hiyay nun'ap'apu i da'yu an tatagu' an tinanud Israel.

Esther 6:13

Ot pun'ibaganah nan ahawana an hi Seres ya nadan gagayyumna nan na'at i hiya. Ya inalidan hiyay, Manu'e hi nipada"ul'a ya oha an Judyu hi Mordekay ot hiya nan ma"id ha abalinam an mangabak i hiya ya umannung an hiyay gumapuh adadagam.

Psalm 105:15

Hanat ma"id ha atonyuh adi maphod hinadan pinto"un tatagu' ya ta'on on hanadan propeta.

Psalm 132:13

Te hi ad Zion di pinto'mu hi punhituwam

Psalm 132:14

an inalim di, Hituy pinhod'uh punhituwa' an mun'ap'apuh inggana.

Psalm 135:4

Hiyay numpili i Jacob ya nadan holagna hi tataguna.

Psalm 33:12

Ot hana'en bimmoble an hi Apu Dios an Ap'apu di un'unudonda ya mipa'amlongda te diday pinilinah tataguna an paddungnay odona.

Psalm 82:8

Ot agam Apu Dios ta humalyaom di atagutagu te he"a damdamay ud bagih abobbobleh tun luta.

Isaiah 14:1

Hi Apu Dios ya ahina hom'on nadan tinanud Israel ta hiyah diye tuwalin diday tataguna. Ta ipa'anamutna didah nan numboblayanda tuwali. Ya wadaday tatagun malpuh udum hi boble an umen e middum i dida

Isaiah 17:14

Ta ta'on on nunnaud an umipatakutdah nan mahdom mu hinan ibiggatana ya mama"idda. Te athidiy pumbalinan nadan dumadag onu nadan pumloh nadan nun'abalol an wadan dita'u.

Isaiah 41:9

Ot ipangulu da'yuh tun ha"on an inilpu da'yuh nidawwin bobleh pingngit di luta. Ta wan ha"on di dayawonyu ya punhilbiyanyu. Ya agge da'yu ingnganuy i ha"on te da'yu nimpey pinto"uh baal'u.

Jeremiah 10:16

Mu hi Apu Dios an dayawon ta'u an tinanud Israel ya bokon athidi te hiyay nunlumu hi an namin an ta'on on nadan pinto'nah tataguna. Ta hiya nan nangadanan hi, Ongal Di Abalinanan Dios.

Jeremiah 30:16

Mu nan aton nadan manadag i da'yu ya nadan mamloh gina'uyu ya hiya boy ahi ma'at i dida. Ta an namin nadan binuhulyu ya mabaludda pibo ta miyedah udum hi boble.

Jeremiah 51:19

Mu hi Apu Dios an dayawon ta'un tinanud Israel ya bokon athidi te hiyay nunlumu hi an namin an ta'on on nadan pinto'nah tataguna. Ta hiya nan nangadanan hi, Ongal Di Abalinanan Dios.

Sekariah 1:17

Ot alyon bon nan anghel i ha"on di, Ibagam bo hinadan tatagu an alyon bon nan ongal di abalinanan Dios di, Boddangan da'yun tatagu' ta kumadangyan ayun munhituh nadan bobleh ad Judah te ipapto"u mo tun ad Jerusalem an imbilang'uh boble'.

Sekariah 3:2

Ya alyon Apu Dios i Satanas di, Duminong'a. Te ha''on an Dios an namto' hi ad Jerusalem hi punhituwa' ya he"ay dusao'. Mu hituwen tagu ya mihwang an paddungnay binuhni' an na'aan hinan mundalang an apuy.

Deuteronomy 32:10

Ya inakhupan dita'un Apu Dios hinan agge naboblayan an ay puwo' nan dibdib hidi. Ot ipanapto' dita'u te imbilang dita'u nimpe i hiya hi nabalol an odona.

Deuteronomy 32:9

Te dita'un tinanud Israel ya dita'uy pinto' Apu Dios hi mibilang hi nabalol an odona.