Sekariah 14:18 - Nan Hapit Apu Dios

¹⁸ Ya ta'on on nadan i Egypt ya adida'e umen e mundayaw ya nunhiglay punligatanda.

Sekariah 14:18 ပူးပေါင်းရင်းမြစ်များ

Isaiah 60:12

Mu hanada'en boble an adi munhilbin da'yu ya madadagda.

Isaiah 66:23

Ya hinadan Habadun tungo ya hinadan makayang di bulan ya umaliday atagutagu an mundayaw i ha"on. Ha"on an Dios di mangalin tuwe.

Lebitikus 23:34

Ibagam boh nadan ibbam an tinanud Israel ta nadatngan'e nan mi'ahimpulut limah (15) algo i diye damdaman mi'apituh bulan ya ihipunyun ngilinon nan punnomnomnomanyuh nan nun'anallunganyuh nan agge naboblayan hi nalpuwanyuh ad Egypt ta inggana hi mala"uh di pituy algo.

Mikah 5:8

Ta dadiyen mabati an tinanud Jacob ya ta'on on middumdah atagutaguh tun luta ta paddungnay nili'woh i diday mun'abubungot an animal hinan muyung mu mabikahda damdama an umatdah nan layon. Ya mipaddungda boh nan imbabalen di layon an wahnan awadan di dakol an kalnero ta namaaggon numpudugda nadan kalnero on numpateda dida ya ma"id ha mabalin hi mangihwang i dida.

Sekariah 14:12

Mu hanada'en mangubat hi ad Jerusalem ya ipa'alin Apu Dios di nunhiglan dogohda. Ta ta'on hi mataguda ya pamaag ya mabulu' di adolda ya matada ya dilada.

Sekariah 14:15

Ya ipa'alin bon Apu Dios di himpappangen dogoh hinadan kabayu ya mul ya kemel ya dongki ya nadan udum an animal hidih nan nungkampuwan nadan binuhulda.

Sekariah 14:19

Ta hidiyey dusan nadan i Egypt ya nadan udum an tataguh udum hi boble an adi e mundayaw i diyen Patul hinan punnomnomnoman nadan tinanud Israel hinan nun'anallungan handidan a'ammoddah nan agge naboblayan.