Roma 5:7 - Nan Hapit Apu Dios

⁷ Dita'un tatagu ya onan an waha taguh mangihulug hi adolna ta hiyay mangiyateh bahul nan ibbana an ta'on on alyon hi maphod di pangatna.

Roma 5:7 ပူးပေါင်းရင်းမြစ်များ

2 Samuel 18:27

Ya alyon nan guwalya di, Ot teen ay hanan hi Ahimaas an imbabalen Sadok nan namangulu te hay panagtagna. Ya alyon David di, Hi Ahimaas ya maphod an tagu ot maphod boy ipa'innilanan ha"on.

2 Samuel 18:3

Mu alyon nadan tindalun hiyay, Adi'a mi'yalin da'mi te immannung an he"ay nabalol hinadan binuhul an ta'on on ma'abak ami ta bumtik ami ya ma"id ha hilbina i dida. Ya ta'on hi godwa i da'miy mate ya ma"id damdama ha hilbina i dida. Te hay balolmu i dida ya paddungnay himpuluy libun (10,000) tindalu. Udu'dul di namaag ya immohnong'ah boble ta wada'ey mahapulmi ya impiyalim.

Psalm 112:5

Ot mipa'amlong nan tagun nalakan mangdat hinadan mahapul di udum ya maphod ya nipto' di pangatna.

Matthew 13:15

Te da'yun tatagu ya paddungnay kimmulhiy nomnomyu ya ay ayu nun'apupukit ya nun'apipilok ta aggeyu innilay ma'ma'at. Te onha adi ayu athina ot waninnot an imatunanyu nadan ma'ma'at hi ad uwani ya ma'awatanyu nan mitudtudun da'yu ta wan mabalin an mundinol ayun ha"on ta ipaphod'u nan nitaguwanyu.

John 15:13

Ya hay nahamad hi aton an mangipatigoh pamhod hinadan ibba ya hi'on nundadaanta an mangiyate hi iphodanda.

Apostoles 11:24

Ya hi Barnabas ya maphod an tagu ya nahamad di pangulugna ya ongal di boddang nan Espiritun Apu Dios i hiya ta hiya nan dakol di binoddangana ta kimmulugdan Jesus.

Roma 16:4

Ya hidin da'min namin ya mabalinnot iyateday atondan mangipapto' i ha"on. Ta hiya nan ongal di punhanaa' i dida ya ta'on on nadan mumpangulug an bokon Judyu ya ongal di punhanaandan dida.

Roma 5:6

Hidin agge ta'u ni' kimmulug i Jesu Kristu ya ma''id ha abalinan ta'un mangat hinadan pohdon Apu Dios. Mu ta'on on athidi ya hidin nadatngan nan nagtud an atayan Jesu Kristu ya hiyay nangiyate i dita'un nabahulan.

Roma 5:8

Mu hi Apu Dios ya impatigona nan ongal an pamhodnan dita'u te ta'on on ta'u nabahulan ya hinnagna damdamah Kristu ta iyatenay bahul ta'u.

1 John 3:16

Hay a'at di nahamad an pamhod ya umat hinan inat Jesu Kristu an inabulutnan hiyay mate an gapu i dita'u. Ot hiya nan mahapul an athidiy pamhod ta'uh nadan i'iba ta'u an onha mabalin ot iyate ta'u dida hi'on hidiyey mahapul.