Psalm 9:13 - Nan Hapit Apu Dios

¹³ Ot hanat hom'ona' bahan Apu Dios te nunhigla tayyay pangat tudan binuhul'un ha"on. Ta ihwanga' ta adiya' bahan mate.

Psalm 9:13 ပူးပေါင်းရင်းမြစ်များ

Hidin Hopapna 4:10

Ot alyon Apu Dios i hiyay, Tanganu mahan onmu inathidi nan ibam? Umman paddungnay mungkali attog nan dalan nan ibam hinan luta i ha"on ta iballoh'u.

Hidin Hopapna 4:9

Indani ya himmapit hi Apu Dios i Cain an alyonay, Tanganu on daan hi ibbam an hi Abel? Ya alyonay, Ay towan. Ona' dan e mitnumitnud i hiya.

1 Patul 21:19

Ta alyom i hiya di, Imbagan Apu Dios an pinatem nan tagu ot pulhom nan puntanomanah greyp. Ta hiya nan alyon Apu Dios an hinan potto' di nanildilan di kahuh dalan Nabot ya hidi damdamay panildilan di kahuh dalam te hidiy atayam.

2 Patul 9:26

an alyonay, Nan lutan natayan da Nabot an hina'amma ya mahapul an i diyen luta damdamay atayan Joram? Ot ekat em alan nan adolna ya em bingkah nimpen diyen luta ta mipa'annung din imbagan Apu Dios.

2 Chronicles 24:22

Ta athidin impapaten Joas hi Sekariah an imbabalen Jehoyada ta hidiyey ayna namayad hinan ongal an nangipapto' Jehoyada i hiya ya nan inatnan nangita'dog i hiya hidin ataguna. Ta hay na'udih hinapit Sekariah ot ahi ma'unguh ya alyonay, Tigom bahan Apu Dios hituwen atonda ta he"ay ukod an mangiballoh.

Nehemiah 9:32

Ot ad uwani ya innilami an he"a nan na'abbaktun Dios ya he"a nan ma'unud. Ya ongal di abalinam ya nanongnan ipatigom nan munnananong an pamhodmu. Ot daan mo bahan ta nomnomom tudan nunligligatanmi an ta'on on handidan a'ammodmi ya patulmi ya ap'apumi ya padimi ya propeta an nihipun hidin nangabakan nadan patul di i Assyria i da'mi ta ingganah ad uwani.

Psalm 10:12

Ot hanat dusaom ahan Apu Dios nadan mangamangat hi adi maphod. Mu hanada'en mahmahmo' an mapalpaligat ya hanat boddangam dida.

Psalm 107:18

Ta gapuh nan punholholtapanda ya iwalongdan mangan ta mun'atte'atteda.

Psalm 119:132

Ot donglom bahan tun ibaga' ta hom'ona' an umat hi atom hinadan mangun'unud i he"a.

Psalm 119:153

Hanat ihwanga' bahan Apu Dios hitun holholtapo' ot agge' attog inwalong an mangunud hinadan tugunmu.

Psalm 12:6

Mapmaphod hinaen hapit Apu Dios te nan hapitna ya umat i ha namahmah an silber an numpipitun nilutu.

Psalm 13:3

Hanat donglom bahan Apu Dios tun dasal'u ta wan pabikahona' ta adiya' ni' mate.

Psalm 142:6

Ot donglom bahan tun dasal'u ta ihwanga' hinadan binuhul'u te ongal di abalinanda mu ha"on.

Psalm 25:19

Te tigom'e tayya an dakkodakkolday binuhul'u an nunhiglay hihiwodan ha''on.

Psalm 30:3

Ta ta'on on aya' ni' mate ya impaphoda' i he"a. Ot onha aggeya' impaphod ot wan wahdiya' moh lubu'an.

Psalm 38:19

Dakolda tayya tudan mun'abibikah an mi'buhul i ha''on an pamaaggon nunhiglay hihiwodan ha"on an ta'on on ma"id ha bahul'un dida.

Psalm 51:1

Innila' Apu Dios an munnananong di pamhodmu ya homo'mu ot daan mo bahan ta pakawanona' hinadan numbahula'.

Psalm 56:13

Te binanoddangana' i he''a ta nihwanga' hi ate. Ta hiya nan ituwen pi'taguwa' ya hanadan pohdom di unudo'.

Psalm 86:13

Te he''a ya ongal di pamhodmun ha''on te inihwanga' hinan e''ot atayan.

Isaiah 38:10

an alyonay, Alyo' ot on ad uwaniy ataya' an makinduhola' ni' ta umeya' moh awadan di numpun'ate ta hidiya' hi inggana.

Lamentation 1:11

Ya an namin nadan tataguh ad Jerusalem ya ta'on hi nunhiglay inagangda on eda mo attog umana'anap hi anonda. Ta pun'ihukkatda nadan nun'abalol an gina'udah makan ta wan tumaguda. Ot hiya nan intangaddan Apu Dios an alyonday, Uhdungan da'mi bahan Apu Dios te nunhigla tayyay panildilahdan da'mi.

Lamentation 1:9

Hay a'at di numbahulanda ya mi'alig hinan inlubungda an ma'attigo mo ahan di lugitna. Mu aggeda ahan ninomnom di pumbalinan nan a'atda ta hiya nan nunhiglay eda nibabainan. Mu ma"id ha e mangipa'amlong i dida. Ot alyonda mohpe i Apu Dios di, Mahmo' ami tayya te inabak da'mih nadan binuhulmi.

John 2:6

Hay pangat nadan Judyu ya mahapul an mun'ihuda ya ahida mangan ta hiya nan waday nidadaan an onom an o''ongal an dunug an iha''adan di liting. Ya hay kalgaon di ohan dunug ya umeh limay gimbal.