Psalm 89:38 - Nan Hapit Apu Dios

³⁸ Hinaey imbagam Apu Dios mu tanganu on ad uwani ya nunhiglay bungotmuh nan pinto'mun patul ta ingnganuymu?

Psalm 89:38 ပူးပေါင်းရင်းမြစ်များ

2 Samuel 1:21

Ya ta adiyot dumdummulnu ya adi um'umuddan hinadan billid an nungngadan hi Gilboa. Ya nanongnan ma"id ha humangoh mitanom hidi. Te hidiy natayan nadan nun'atutulid an e mi'gubat an da Saul. Ta adi mo uggan malamuh di hapiyoda.

2 Samuel 15:26

Mu wa'e tuwali ta adiya' umipa'amlong i Apu Dios ya ta'omman ot nundadaana' hinan pohdonan ma'at i ha"on.

1 Chronicles 28:9

Ya alyon David i Solomon di, He"a'e an imbabale' Solomon ya hanat hi Apu Dios an un'unudo' an hi amam di un'unudom. Ta hiya ya abuh di pangiyohhaam hi nomnommu hinan punhilbiyam te hiya ya innilanan namin di wah nomnom ta'u ya nadan gagamgaman ta'u. Ya hi'on hiyay pundinolam ya boddangan da'an hiya. Mu iwalongmu'e tuwali an mundinol i hiya ya ma"id ha bahhonan iwalong da'an hiya hi inggana.

Psalm 106:40

Ta hiya nan nunhiglay bungot Apu Dios i dida an pinilina hi tataguna.

Psalm 60:1

Apu Dios, innilamin inwalong da'mi ta hiya nan na'abak ami te bimmungot'an da'mi. Mu daan mo bahan tatawwa ta ibangngadmu din maphod an niyatanmi i he"a.

Psalm 60:10

Undan iwalong da'mi tatawwa Apu Dios ta adi da'mi ipangulu hi emi pi'gubatan hinadan titindalu'.

Psalm 77:7

On adi da'mi nin mo hom'on i Apu Dios ta inganuy da'mih inggana.

Psalm 78:59

Ta gapu i diyen inatda ya namingpinghan an inwalong Apu Dios handidan a'ammod ta'un tinanud Israel.

Psalm 84:9

ta ipapto'mu ahan nan pinilim an patulmi.

Psalm 89:51

Ta ta'on on idanay umaya' on nunhiglay pamihuldan ha"on an pinto'mun patul.

Jeremiah 12:1

Alyo' i Apu Dios di, An namin nadan inlili' i he"a Apu Dios ya nipto' di inatmu. Ot ad uwani ya pohdo' an innilaon nadan adi' ma'awatan. Te tanganu on nadan adi maphod di at'atonda ya diday kumadkadangyan ya pumpumhod di nitaguwanda?

Lamentation 2:7

Te inwalongna nimpe nan Templo. Ot iyabulutna ta numpa"ih di binuhulda nadan dingdingna. Ta ma"id mo ha punggobhan hinan mi'nong i hiya. Ta mun'am'amlong dadiyen binuhulda hi nangabakanda ta ahi'i'ingaldahdi hinan way Templo.

Lamentation 4:20

Ya nan patul an pinto' Apu Dios an mabalin an mangita'dog i da'mi ya inye"eda. Yaden hiyay nundinolanmi hi mangihwang i da'mih nadan tataguh nadan udum an boble an mangubat i da'mi.

Hosea 9:17

Ya alyo' an hi Hosea di, Da'yun ibba' an tinanud Israel ya aggeyu inunud hi Apu Dios ta hiya nan inwalong da'yun hiya ta niye ayuh abobboble.

Sekariah 11:8

Mu nadan tulun ma'layyah an ap'apuda ya agge immeh ohay bulan ot ipa'aan'u didahdi. Mu ta'on on maphod di inat'uh nadan tatagu ya inahiwawana' i dida. Ta hiya nan immengleya' damdaman dida.

Sekariah 13:7

Alyon bon nan ongal di abalinanan Dios di, Agayu ta patayonyu nan pumpapto'o' hi kalnero. Ta mahihi"an nadan kalneron ipapto'na ta mapaligat nadan imbabaleda.

Deuteronomy 32:19

Ta nunhiglay agge naminhodan Apu Dios i diyen at'aton ta'u. Te dita'un imbilangnah imbabalena ya impabungot ta'u hiya.