Psalm 88:6 - Nan Hapit Apu Dios

⁶ Te paddungnay inyeya' i ha munhihillong an ni'iddallom an lubu'an.

Psalm 88:6 ပူးပေါင်းရင်းမြစ်များ

Psalm 130:1

Nunhigla tayyay inomnoma' Apu Dios. Ta hiya nan mumpahmo'a' an mumpaboddang i he"a.

Psalm 143:3

Hanadan mi'buhul i ha''on ya tinnutinnuda' ta ingganaot abakona'. Ot paddungnay eya' ibalud i han munhihillong an awadan di numpun'ate.

Psalm 40:2

Te paddungnay wadaa' i ha pitoppito' an adallom an bitu ot guyudona' i hiya. Ot eya' pata'dogon i han nahamad an batun umohnongan ta teen malinggopa' mohpe.

Psalm 69:15

Ta adim bahan iyabulut an iyanuda' hinan dimmakol an liting onu maltinga' hinan baybay. Ta adiya' ni' mateh ad uwani.

Psalm 86:13

Te he''a ya ongal di pamhodmun ha''on te inihwanga' hinan e''ot atayan.

Proberbs 4:19

Mu nan adi maphod an pangat ya umat hinan nunhiglan munhihillong ta adida tigon di agahanda.

Lamentation 3:2

Te paddungnay impanguluwa' hinan munhihillong ot padallanona' hidi.

Lamentation 3:55

Mu numpaboddanga' i Apu Dios hi awada' hi dallom nan bitu.

Jonah 2:4

Ta hay nomnom'u ya alyo' ni' on nihi''ana' i he''a ta adiya' mo mundayaw hinan Templom.

John 12:46

Te immaliya' ta wan patala' di punnomnom di tataguh tun luta an mangulug i ha"on ta wan adida minaynayun an miha"ad hinan paddungnay munhihillong.

Deuteronomy 32:22

Te hay bungot'u ya umat hinan mundalang an apuy an gobhonan namin an ta'on on nan dallom di lubu' ya an namin di matigoh tun luta ta ingganah nan gopnad di billid.

Juda 1:13

Ya nipaddungda boh nan upag nan maludulludun an dalluyun an iha'litnay lugit hinan pingngit di baybay an gapuh nan umipabain an ato'atonda. Hay oha boh nipaddunganda ya nan balladong an bittuwon an nagah'e on napogpog di dumilagana. Ot athidi i dadiyen linala'i te wada han munhihillong an nidadaan hi iha''adandah inggana.

Juda 1:6

Ya hay oha bo ya nan nangipabaludan Apu Dios hinadan anghel an agge nunnanong di sa'adda hi ad abunyan te nipa'aandahdi. Ta hiya nan ingganah ad uwani ya nibaluddah nan munhihillong ta ingganah on madatngan nan algo an punhumalyaan Apu Dios.