Psalm 78:38 - Nan Hapit Apu Dios

³⁸ Mu ta'on boh on athidi ya himmo'na dida ta pinakawanay bahulda ta aggena dinadag didan namin. Ya numpi'atnay nangipabungotanda i hiya mu ona on inukmun di bungotnan dida.

Psalm 78:38 ပူးပေါင်းရင်းမြစ်များ

2 Samuel 24:16

Ya hidin imme nan anghel hi ad Jerusalem ta ena patayon nadan tataguhdi ya minomnoman hi Apu Dios ot alyonah nan anghel an mamaten dida di, Ammuna mo ya indinongmun mamateh nadan tatagu. Ya i diye ya wada nan anghel hinan pun'ilikan Araunah an tinanud Jebus.

2 Patul 13:23

Mu impatigon Apu Dios di ulena ya homo'nan dida an gapuh nan imbagana i handidan a'ammodda an da Abraham ya hi Isaac ya hi Jacob. Ta hiya nan ingganah ad uwani ya aggena inyabulut an mama"iddan naminamin.

2 Patul 21:20

Ya nadan adi maphod di ina'inatna an umat i din hi amana an hi Manasseh.

Psalm 99:8

Ot he"a Apu Dios di nambal hi dasal nadan tatagum. Ta impa'innilam an pinakawanmuy bahulda mu wa'et mumbahulda on dusaom dida.

Isaiah 48:9

Mu gapuh nan anabaktu' ya initpo'itpol'uy bungot'un da'yu ta agge da'yu mina"id an naminamin.

Ezekiel 20:17

Mu himmo"u nimpe dida ta hiya nan agge' pinate didan namin hidih nan agge naboblayan.

Hosea 11:9

Ta adi da'yu dadagon an i Israel an gapuh nan nunnaud an bungot'u. Te adiya' umat i da'yun tatagu te ha''on an Dios ya maphod di pangat'u ya adi munnananong di bungot'u.

Amos 7:3

Ya alyon Apu Dios di, Ta'omman mo ya agge' impa'annung hidiyen impatigo' i he"a.

Amos 7:6

Ta agge mo inat Apu Dios hidiye an alyonay, Ta'omman ya agge' inat.