Psalm 69:8 - Nan Hapit Apu Dios

⁸ Ya namaag mo ahan tayya ya aya' hintaguwan hi pangat tudan i'iba' i ha''on.

Psalm 69:8 ပူးပေါင်းရင်းမြစ်များ

Psalm 31:11

Ta nunhiglay pamihul nadan binuhul'u ya hinaggon'un ha"on. Ya numbalina' hi ay panattatakut nadan gagayyum'u te wa'et dinamu' didah nan kalata on mamtikda.

Psalm 38:11

Ya gapu ta alulugnin tudan hugat'u ya ma"id mahan mo ha mangidungo i ha''on hinadan hinaggon'u ya gagayyum'u. Ya ta'on on hanadan pamilya' ya adida mihaggon i ha''on.

Psalm 89:51

Ta ta'on on idanay umaya' on nunhiglay pamihuldan ha"on an pinto'mun patul.

Psalm 89:52

Mu he"a damdama Apu Dios di dayawonmih ingga'inggana. Amen.

Isaiah 50:6

Ta inyabulut'u ta nunhoplatday bonog'u ya nunhupdutday balbas'u. Ya namaaggot dindinnongana' hidin nama'bainanda i ha"on ya hidin nuntokpaanday angah'u.

Isaiah 53:3

Ya pihulon di tatagu an ma"id ha mangabulut i hiya. Hiya ya impa'inghanay a'at di ligat ya inomnoman. Ya du'gon di tatagu an adida pohdon an tigon te nunhigla nimpey pamihulda i hiya ta ma"id ha mangipabaktu i hiya.

Isaiah 53:4

Mu hay immannung ya hiyay munholtap hinan ligat an unhaot dita'uy lebbengna an manoltap. Ya hay punnomnom ta'uot bo i diyen ma'at i hiya ya hidiyey pundusan Apu Dios i hiya.

Jeremiah 15:15

Mu ha"on an hi Jeremiah ya alyo' di, He"a Apu Dios ya innilam di ma'ma'at i ha"on ot hanat boddangana' bahan. Ta iballohmu hinadan humihiwon ha"on nan inatda an namalpaligat i ha"on. Ya hanat adim an'anusan dida te lo'tat tayya ya patayona' i dida. Te tehtu an maligligatana' an gapuh nan punhilbiya' i he"a.

Matthew 26:56

Mu ta'on ta ma'at datuwen namin i ha''on ta mipa'annung din impitudo' Apu Dios hinadan propetana. Ta ona imbagah diye ot bumtikdan namin nadan itudtuduwana ta tinaynandah Jesus.

John 1:11

Te immali ot mi'hitu hinadan tatagu mu dakol i diday agge nangabulut i hiya.

John 7:5

Athidiy imbagan nadan i'iban Jesus te ta'on on dida ya aggeda kimmulug i hiya.

1 Samuel 17:28

Ya hidin dingngol nan panguluwan an hi ibbana an hi Eliab an mi'hapihhapit hinadan udum an tindalu ya nangimbobohol ot ihingalnah David an alyonay, Tanganu on'a tuwali immalihtu? Ta nganney mangipapto' hinadan oh'ohhan kalnero ta'u? Innila' ot adi maphod nan ninomnommu an immali'ahtu ta e'a mummangmangmang hitun gubat ya ammuna.