Psalm 63:11 - Nan Hapit Apu Dios

¹¹ Mu ha''on an patul ya pangabakona' i he''a Apu Dios ta hiya nan mun'am'amlonga'. Te hanadan mangipa'annung hi imbagadan he"a ya diday nanongnan mangidaydayaw i he"a. Mu hanada'e an e lumayalayah ya lo'tat ya ma"id ha pambalda.

Psalm 63:11 ပူးပေါင်းရင်းမြစ်များ

Job 5:16

Ta mabalin mon madinolda te padinongona nadan adi maphod di at'atonda.

Psalm 107:42

Ta tigon'en nadan mangun'unud i Apu Dios datuwe ya mun'am'amlongda. Mu hanada'en adi maphod di pangatda ya pamaagday dindinong.

Psalm 2:6

Ya hidih nan nabillid an niyappit i hiya an ma'alih ad Zion ya wahdiy pinto'na tuwali an Patul.

Psalm 21:1

Apu Dios, nunhiglay amlong'u an patul an gapuh nan ongal an abalinam. Te he"ay bimmoddang ta hiya nan nangaba'abak ami hinadan emi ni'gubagubatan.

Psalm 31:18

Ta mapogpog di eda lumayalayahan. Te nunhigla nayyay punlattuwagandan mamihupihul hinadan na'na'unud i he''a.

Psalm 44:20

Onha liniwwan da'a ot e ami mundayaw hi udum an dios

Isaiah 19:18

Ya i diye ya waday lima an boble hi ad Egypt an mabalin an humapit hi Hebrew ya nan ongal di abalinana an Dios di un'unudonda. Ya hay ngadan di oha i dadiyen boble ya Boblen Di Algo.

Isaiah 45:23

Ot ibaga' hituwe an ahi ma'at an adi mibahho ya adi mabaliwan. Te udum hi algo ya mundu"undan namin di tatagu ta dayawona' ya ibagada mohpe an ha''on ya ammunay un'unudonda.

Isaiah 65:16

Ot nadan pohdonan mawagahan ituwe an boble ya hanat ha"on an Dios an adi munlayah di bagaanyu. Ya wada'ey imbagayuh atonyuh tun boble ta'u ya hanat ha"on an Dios an adi munlayah di punsapataanyu. Ta nadan nunholholtapanyu an gapuh bungot'u ya adi mo minaynayun te linglingo' moy bahulyu.

Jeremiah 18:21

Ot ad uwani ya dawato' an hanat mawaday bitil ta ma'aganganday imbabaleda onu matedah gubat nadan mumpangilog an linala'i. Ya mabaludda nadan binabain a'ahawada. Ya mun'a'ateday a'ammodda an gapuh nalot an dogoh.

Sepaniah 1:5

Ya atbohdiy ato' hinadan mundayaw hinadan bittuwon ya bulan hinan nundotal an atop di baleda ya ta'on on nadan mangibagah ha"on an Dios di dayawonda mu dayawonda bo nan dios di udum an tatagu an hi Molek.

Roma 3:19

Ot innila ta'u an nadan uldin ta'un Judyu di mangipa'innilah bahul ta'un tatagu. Ta hiya nan ma''id ha pambal ta'uh nan e ta'u pumbahulan. Ya hidiye boy panginnilaan an an namin di tagu ya numbahul i Apu Dios.

Deuteronomy 6:13

Ta hiyay un'unudonyu ya hiya ya abuh di punhilbiyanyu. Ya wa'e ta munsapata ayu ya hiya ya abuh di punsapataanyu.

Hebrew 6:13

Hidin wada han imbagan Apu Dios i Abraham ya insapatana an atona nan imbagana i hiya. Ya hay nangisapataana ya hay adolna te ma''id ha nabakbaktu mu hiya

1 Samuel 23:17

Ta inalinay, Adi'a tumakut ot adi iyabulut Apu Dios an patayon da'an ama. He"ay ahi mumbalin hi patul i dita'un tinanud Israel ya ha"on di mihnod i he"a hinan pun'ap'apuwam. Ta'on on hi ama ya innilana tuwalih tuwe.

1 Samuel 24:20

Ot nomnomnomom an he"ay ahi mumpatul hitun boble ta'un tinanud Israel ya nahamad di pumpatulam hi inggana.