Psalm 62:2 - Nan Hapit Apu Dios

² Te hiya ya abuh han paddungnay nahamad an batun ihi"ugan. Ya hiyay mi'hanggah nadan binuhul'u ta adiya' ma'abak.

Psalm 62:2 ပူးပေါင်းရင်းမြစ်များ

Psalm 18:2

Te hi Apu Dios di nahamad hi mangipapto' ya mangihwang i ha''on ya hiyay paddungnay hapiyo' onu doplah an ihi"uga'.

Psalm 21:1

Apu Dios, nunhiglay amlong'u an patul an gapuh nan ongal an abalinam. Te he"ay bimmoddang ta hiya nan nangaba'abak ami hinadan emi ni'gubagubatan.

Psalm 27:1

Hi Apu Dios di paddungnay mamatal hi punnomnom'u ya hiyay mangih'ihwang i ha''on ta hiya nan ma"id ha itakut'u.

Psalm 37:24

Ya ta'on on waday apatnaanda ta paddungnay nikudlihda mu adida munnananong hidi te pata'dogon Apu Dios dida.

Psalm 37:39

Te hi Apu Dios ya ihwangna nadan mangmangngat hinadan pohdona ya ipapto'na dida hi'on waday dumatong hi punligatanda.

Psalm 59:17

Ot ikankanta' di pundayaw'un he''a Apu Dios te he"an ongal di pamhodnan Dios nimpey nahamad hi ihi"uga'.

Psalm 59:9

Mu ha''on'e ya he"ay paddungnay ihi"uga' te he"ay dinlo' hi bumoddang i ha"on.

Psalm 62:6

Te hiya nimpe han mipaddung hi nahamad an batun ihi"ugan. Ya hiyay mi'hanggah nadan binuhul'u ta adiya' ma'abak.

Psalm 89:26

Ta alyonay, He"a Apu Dios an ibilang'uh hi ama' di dayawo' te he"ay mangipappapto' ya mangih'ihwang i ha''on.

Isaiah 26:4

Ot hanat hiyay pundinolan ta'u hi inggana te hiya nimpe nan paddungnay doplah an ihi"ugan ta'u ta mihwang ta'u.

Isaiah 32:2

Te way oha i dida on umatdah nan nahamad an ihi"ugan hi'on waday puwo'. Ya umatda boh nan liting hinan wa"el hinan na'appudut an luta onu hinan nahiduman an pu"un di doplah hinan nunhiglay potang.

Lamentation 3:26

Ot maphod on anusan ta'un mannod hinan boddang Apu Dios.

1 Kulintu 10:13

Te ma"id ha bahhonan waday apatnaan ta'u mu athidi tuwaliy niyatan ta'un tatagu. Mu hi Apu Dios ya adina iyabulut ha apatnaan ta'u hi adi ta'u abalinan. Te an namin di apatnaan ta'u ya ongal di abalinan Apu Dios an bumoddang i dita'u ta wan mabalin an adi ta'u mabaliyan.