Psalm 58:9 - Nan Hapit Apu Dios

⁹ Ot athinay ma'at hinan tagun adi maphod di ato'atona an hin'omtang ya mama"id ta umat hinan naba'gut an holo'.

Psalm 58:9 ပူးပေါင်းရင်းမြစ်များ

Job 18:18

Te hi Apu Dios di mangipa'aan i hiyah tun luta ta ipa'enah nan munhihillong.

Job 27:21

an malpuh nangappit hi tuluwan di algo ya inye"ena dida. Ta ta'on on wadadah nan nunhituwanda ya miyaddibda.

Job 3:16

Ot udu'dulna nimpey nateya' hidin niyayyama' ta agge' tinigoy a'at di patal.

Psalm 10:2

Hanadan adi maphod di pangatda ya munlattuwagda an mamalpaligat hinadan nun'awotwot. Daan mot atom i dida nadan ninomnomdan aton hi ibbadan tagu?

Psalm 10:5

Yaden maphod di pumbalinan nadan ato'atonda. Ya nunhiglay pangpangallidah nadan adi mangiyunnud i dida. Ya ma"id ha punnomnomdah nadan tugunmu.

Psalm 118:12

Ta ta'on onda ay iyukan an nili'woh i da'mi ya nalakay nangabakanmin dida an gapu nimpeh nan abalinanmi an indat Apu Dios ta nun'a'ateda an umatdah nan holo' an ni'bagan nagbu.

Psalm 55:23

Mu hanada'en pumapate ya kumukuluk ya adida ma'amamma on mun'a'ateda. Mu ha"on'e ya ongal di dinol'un Apu Dios.

Proberbs 1:27

Ta ay mabikah an puwo' ta pun'iye"e da'yu ta i diye ya nunhiglay inomnomanyu ya punligatanyu.

Proberbs 10:25

Ot nan ay puwo' an dumatong hi nitaguwan nan adi maphod di pangatna ya hidiyey lummuh adadagana. Mu adi athidih nan nipto' di pangatna te nanongnan ipapto' Apu Dios.

Proberbs 14:32

Nan tagun adi maphod di at'atona ya hidiyen at'attonay manadag i hiya. Mu nan nipto' di pangatnan tagu ya ta'on on alinah mate ya waday dinolnah nan pangipapto' Apu Dios i hiya.

Ecclesiastes 7:6

Te nan ngihil nan paddungnay ma"id ha nomnomna ya mipaddung hinan pagit an panungu an manu te mumbubuti on hiyah intungu mu adi madne ya nagbu ta adina lutuwon nan iha''ang. Ot nganney mahan di hilbin diye?

Isaiah 17:13

Mu ta'onnot on umatdah nadan atatakut an ungak di dakol an liting ya mabalin an ihingal'en Apu Dios dida ya ma"amtikda ta umatdah nan dugih an iye"en di puwo' ta miwakatda hinadan billid.

Isaiah 40:24

Ta umatdah nan pa"itanom an hiyah inhipundan lumamut ot budakan di puwo' ta naklingda ot miyaddibdan umatdah nan dugih.

Jeremiah 23:19

Mu nomnomnomonyu an ha"on an Dios ya nunhiglay bungot'uh nadan numbahul ta umat hinan mabikah an puwo' di ato' an manadag hinadan tatagu an adi maphod di pangatda.

Bilang 16:30

Mu alina'e tuwalih aton Apu Dios ha nakaskasda'aw ta punhi''anona nan lutan nipto'anda ta ma'uhbungdah ad dalom an middum nadan gina'uda ya hiyay panginnilaanyun gapuh nungngohayandan Apu Dios.