Psalm 37:25 - Nan Hapit Apu Dios

²⁵ Ya teen na'amammaa' mo ya ma''id ha tinigo' hi tagun mangmangngat hinadan miyunnudan hinan pohdon Apu Dios ya inwalongna. Ya ta'on on hanadan i'imbabaleda ya aggeda e immodo'odoh anonda.

Psalm 37:25 ပူးပေါင်းရင်းမြစ်များ

Hidin Hopapna 17:7

Hituwen imbaga' i he''a ya minaynayun an ma'at hinadan tanudam. Ta nanongnan ha''on an Dios di dayawom ya atbohdin ha''on di dayawon nadan tanudam.

Job 15:23

Te innilanan agagga moy atayana ya alina ya anon di gayang di adolna.

Job 4:7

Ya onha ta nomnomnomom ot undan waha taguh maphod di pangatna ya munligligat ya madadag.

Psalm 109:10

Ya hanat mipalah'undah nadan imbabalena hinan nadadag an nunhituwanda ta eda humanawhawwangan an e umanod'oddoh anonda.

Psalm 112:2

Ta hiya nan mawagahan nadan imbabalena ta mundongolda.

Psalm 25:13

Te atonda'ehdi ya minaynayun di awagahanda ya minaynayun an hanadan tanudanda di mamoltan hinan numboblayanda.

Psalm 37:28

Te hi Apu Dios ya nunhiglay pamhodna hinadan maphod di pangatna ya na'na'unnud i hiya ya adina iwalong dida te ipapto'na didah inggana. Mu hanada'en holag nadan nibahhoy at'atonda ya lo'tat ya madadagda ta mama''idda.

Psalm 59:15

Ya eda humamahama' hi anonda ta aggeda'e bo nabhug on umalu'alumiyomda.

Psalm 71:18

Ot hanat adiya' bahan iwalong Apu Dios an ta'on ona' ma'amamma ta ma'ubanana' ta way ato' an mangibagah nan ongal an abalinam hinadan mun'atanudan.

Psalm 71:9

Ot hanat adiya' bahan iwalong hi ad uwanin na'amammaa' ya kimmapuya'.

Psalm 94:14

Innila' ot adi inganuy Apu Dios nadan ibilangnah tataguna te nabaloldan hiya.

Proberbs 13:22

Nan maphod an tagun waday odona ya nadan apapunay mamoltan. Mu nan odon nan tagun nabahulan ya midat hinadan tatagun nipto' di pangatna.

Isaiah 13:16

Ya nada'en goggolang an imbabaleda ya pulhonda on nun'ihoplatda didah hinangngabda. Ya nunhogopday babaleda on nun'alada nadan nun'abalol an wadan dida. Ya ta'on on nadan ahawada on pinilitdan ilo' dida.

Apostoles 21:16

Ya wadaday udum hinadan ibba ta'un kimmulug hidih ad Sesaria an nanguyug i da'mi ta inye da'mi i han emi pun'iyanan hi balen Nason an i Cyprus an nadney kimmulugana.

2 Kulintu 4:9

Ya dakolday mamalpaligat i da'mi mu agge da'mi inwalong i Apu Dios. Te ta'on on ay da'mi patapatayon mu gapuh boddang Apu Dios ya matagu ami aya.

Hebrew 13:5

Ya bokon bo hay pihhuy gagamgaman ta'u ituwen pi'taguwan ta'u ta adi ta'u unguhan nan wada i dita'u. Te hi Apu Dios ya inalinay adi dita'u inganuy ya adi dita'u taynan i hiya.

Joshua 1:5

Ya ma''id ha mabalin hi mangabak i he''a hi ad uwani an atagum te wadawadaa' an bumoddang i he''a hi inggana an umat hinan inat'u i Moses. Ot ha''on ya adi da'a inganuy ya adi da'a taynan.

1 Samuel 12:22

Mu hi Apu Dios ya ipa'annungna nan imbagana an adina iwalong nadan tataguna. Te ma"amlong hi namto'ana i da'yu ot pumbalinon da'yuh tataguna.