Psalm 36:6 - Nan Hapit Apu Dios

⁶ Ya umat hinan na'taggen billid an ma'attigo. Ya atbohdih nan maphod an pangipanuhmun da'min tatagu an ma"id ha pogpogna an umat hi dinallom di baybay. Te he"ay mangipanapto' i da'min tatagu ya ta'on on hanadan animal.

Psalm 36:6 ပူးပေါင်းရင်းမြစ်များ

Hidin Hopapna 18:25

He''a ya nipto' di atom an mangipanuh hi tatagu ot hiya nan innila' an adi mabalin an pi'idadagmu nan nipto' di pangatda. Te atom'ehdi ya undan adida mi'idadag hinadan nun'abahulan.

Nehemiah 9:6

Te he"a ya ammuna nan Dios an nunlumuh an namin an wadah ad lagud an umat hinadan bittuwon. Ya he"ay nunlumuh tun luta ya an namin nan wahtu ya ta'on on nadan baybay ya an namin nan wadahdi. Ya he''a boy alpuwan di itaguwan. Ta hiya nan an namin di wah ad abunyan an umat hinadan anghel ya daydayawon da'a.

Job 37:23

Nan ongal di abalinanan Dios ya adi mabalin hi tigon ta'u. Ya ongal nimpey abalinana ya maphod ya nipto' di pangatnah tatagu.

Job 7:20

Te undan nganne ahan nan numbahula' i he"a Apu Dios ta ha"on di pinto'muh paligatom? Undan ahan ha"on di mangdat hi inomnomam?

Psalm 145:9

Ya maphod di pangatmun namin hinadan limmum an ma''id ha pangipangngelam hi homo'mu.

Psalm 147:9

Ya idatna boy itanud nadan animal ya ta'on on hay anon nadan impah di gayang hi'onda mumpiyak hi inagangda.

Psalm 31:20

Ot gapu ta he"ay ihi''uganda ya hanat adim iyabulut an ma'at i dida nan pohdon nadan binuhuldan aton i dida. Ya hanat ita'dogmu didah nadan layah an ipabahuldan dida.

Psalm 71:19

Hanan ongal an abalinam ya amaphodmu Apu Dios ya adi malukud an umat hi dinawwin di ad lagud. Ya ma"id ha udum hi umat i he"a.

Psalm 77:19

Ya inagwatmu nan nidallom an baybay an ini'wam hinan tu'yap nan dalluyun mu ma"id ha nanigoh gatinmu.

Psalm 92:5

Ya an namin nadan ato'atom Apu Dios ya ipa'innilanay anabaktum. Ya naligat an ma'awatan nan wah nomnommu.

Psalm 97:2

Hiya ya adi matigo te paddungnay nali'mutan i han ngimmitit an bugut. Mu hiyah diyen nipto' di atonan mun'ap'apu.

Hay Nakakan 9:28

Ta hiya nan ibagayu bahan i Apu Dios ta padinongonah tuwen kidul ya tun mun'a'agah an dalallu. Ot iyabulut'u moy akakanyu ituwen boble ta adi mahapul an hituy pi'iboblayanyu.

Isaiah 40:28

Manu te adi mabalin an ma'innilaan di nomnomna mu undan aggeyu innila an hi Apu Dios an nunlumuh tun luta ya munnananong? Ya hiya ya adi umengle ya adi mable.

Isaiah 45:19

Ya agge naligat di panginnilaanyuh nan pohdo' hi atonyu an tinanud Israel te inhapit'uh nan hapit an nalaka an ma'awatanyu. Ya aggeya' nidawwi i da'yu ta hiya nan mabalin an mi'hayyup ayun ha"on. Ya ha"on an Dios ya immannung an namin di ibaga'.

Jeremiah 12:1

Alyo' i Apu Dios di, An namin nadan inlili' i he"a Apu Dios ya nipto' di inatmu. Ot ad uwani ya pohdo' an innilaon nadan adi' ma'awatan. Te tanganu on nadan adi maphod di at'atonda ya diday kumadkadangyan ya pumpumhod di nitaguwanda?

Lamentation 3:23

an paddungnay baluh abigabigat. Te an namin di ibagana ya adina ibahhon aton.

Jonah 4:11

ya undan adi namamay punnomnom'uh tun damunan bobleh ad Ninibeh an niha''adan di mahuluk hi hinggahut ta baintiy libun (120,000) tatagu. Dida ya aggeda ni' na'innilaan nan nipto' ya nan nibahho ya nilagatda bo nadan dakol an animalda.

Roma 11:33

Hi Apu Dios ya ongal ahan di homo'na. Ya ma"id ha mabalin hi pangipaddungan i hiya te innilanan namin. Ya adi ta'u abalinan an ma'awatan nadan a'atna ya nadan at'attona.

Roma 3:25

Te hiyay inhulug Apu Dios ta nateh nan krus ta hiyay ni'nong hi apakawanan di bahul nadan kumulug i Jesu Kristu. Hituwen inat Apu Dios ya nipatigoy amaphod di pangatna an dusaona nadan numbahul. Ta ta'on hi aggena ni' dinusa nadan numbahul an tataguh din nadne

Deuteronomy 32:4

Te hiya ya ay doplah an nahamad hi ihi"ugan. Ya nipto' an namin di atona an ma"id ha ibahhawana. Hi Apu Dios ya ipa'annungnan namin di ibagana te adi munlayah.

Deuteronomy 7:9

Ot hay nomnomnomon ta'u ya hi Apu Dios an dayawon ta'u ya immannung an hiya nan Dios. Te nan imbaganah atona ya ipa'annungnan aton an ta'on on hinadan mapalpalog an matanudan an mangipatigoh namhoddan hiya ya mangun'unud hinadan tuguna.

1 Timothy 4:10

Ot humlu ta'un e mangipa'innilah a'at Apu Dios an ta'on on naligat ya mundinol ta'uh nan wadawada an Dios an hiya nan mangipappapto' hi tatagu an namamah nadan kimmulug i hiya.

1 Samuel 14:15

Ta nadan tindalun di i Pilistia an mi'gubat ya ta'on on nadan wadah nan kampuda ya nunhiglay takutda. Ya ta'on on nan luta ya immalyog ta nunnaud di inat Apu Dios an nangipatakut i dida.