Psalm 36:11 - Nan Hapit Apu Dios

¹¹ Ta adim bahan iyabulut an abakona' ta pabtikona' hinadan tatagun adi maphod di pangatda.

Psalm 36:11 ပူးပေါင်းရင်းမြစ်များ

Psalm 10:2

Hanadan adi maphod di pangatda ya munlattuwagda an mamalpaligat hinadan nun'awotwot. Daan mot atom i dida nadan ninomnomdan aton hi ibbadan tagu?

Psalm 119:122

Ta boddangana' bahan an baalmu ta adim iyabulut an paligatona' hinadan mumpunlattuwag an tatagu.

Psalm 119:51

Ya ta'on on nunhiglay pamihul nadan munlattuwag an tatagu i ha"on ya adi' damdama iwalong an mangunud hinadan tugunmu.

Psalm 119:69

Hanadan munlattuwag ya dakol di layah hi ipabahuldan ha"on mu hay immannung ya hanadan tugunmuy un'unudo'.

Psalm 119:85

Ya tee bo udot an ana"ulana' i dida an paddungnay manganiphoddah pumbitudan ha"on.

Psalm 16:8

Ya innila' an wadawada'a Apu Dios an mumpapto' i ha''on ta hiya nan madinola'.

Psalm 62:6

Te hiya nimpe han mipaddung hi nahamad an batun ihi"ugan. Ya hiyay mi'hanggah nadan binuhul'u ta adiya' ma'abak.

Isaiah 51:23

Te hay atonda i da'yu ya mandalon da'yu ta munlu'bub ayu on nundalananday bonogyu ta ay nadopdop ha awon. Mu ta'on on athidi ya iballoh'u damdama i dida nan ina'inatdan da'yu.

Daniel 4:37

Ta hiya nan ad uwani ya ha"on an hi Nebukadnesar ya nan patul hi ad abunyan di dayawo'. Te nipto' an namin di atona ya pangatna ya abalinanan ipada"ul nadan tatagun mumbaktu.