Psalm 35:4 - Nan Hapit Apu Dios

⁴ Ya hanat ipa'abakmu nadan naminhod an mamaten ha"on ta mibabainda. Ya hanat ulawom dida ta ma"id ha atondan mangat hinadan adi maphod an ninomnomdan aton.

Psalm 35:4 ပူးပေါင်းရင်းမြစ်များ

1 Patul 19:10

Ya alyon Elijah di, Inat'u attog di abalina' an nunhilbin he"a an ongal di abalinanan Dios. Mu hanadan ibba' an tinanud Israel ya inwalongdan mangun'unud hinadan tugunmu ot pumpa"ihda nadan punggobhan hi mi'nong i he''a ot pumpateda nadan propeta. Ta ohaa' teen nabati mu ta'on damdamah on ha"on ya pohdondan patayona'.

Psalm 129:5

Ot hanat ma'abakdah gubat ta mibabain nadan ma'hihhiwoh tun ad Jerusalem.

Psalm 35:26

Mu hanat mibabain hanadan nungngihngihil i ha"on hidin maligligatana'. Ta dida an mangalih udu'dulda mu ha''on ya mumballin ta aggeda innilay at'attonda ya mibabainda.

Psalm 38:12

Ya hanada'en binuhul'u ya mangiphoddah paddungnay bitu ta ma'uhbunga'. Ya numanomnomdah udum hi atondan manadag i ha''on. Ta dakol di ibagabagadah pama''ihdan ha"on.

Psalm 71:24

Ta adi' idinong an mangipa'in'innilah amaphod di pangatmu. Te hanadan ihikna an mamaten ha"on ya nibabaindah nangatmu te pamaag ya aggeda innilay atonda.

Psalm 83:18

Ta lo'tat ya abulutonda an he"a an na'abbaktun Dios di ap'apu hitun luta an ma''id ha udum.

Isaiah 37:29

Ta gapu i diyen bungotmu i ha''on ya nan punlattuwagam ya paddungnay tabikawa' di olongmu ya binungut'uy to'om ta ay'a kabayu. Ta paddungnay guyudon da'a ta iyanamut da'ah bobleyu.

Jeremiah 46:5

Mu hitun punggugubatanyu ya ma"abak ayun i Egypt ta ma"amtik ayu an adi ayu munwingwingngi hi takutyu. Te nunhiglan atatakut di mili'woh i da'yu.

Ezekiel 13:19

Ta hiya nan alyon bon Apu Dios i da'yu di, Imbabaina' i da'yu hi hinangngab nadan tatagu' an gapu hi gamgamyuh nadan hingkikittang an makan an idat nadan tatagu. Ta inlayahanyu nadan tatagu' an gapu attog ta patiyonda nadan layahyu ot ipapateyu nadan ma"id ha bahulda ya inihwangyu nadan numbahul.

Matthew 27:1

Hidin nabiggat an mun'awiwi"it ya na'amung bo nadan nabaktun padi ya nadan mangipangpanguluh nadan Judyu ta hahapitonday atondan mangipapate i Jesus.

John 18:6

Mu hidin inalin Jesus di ha''on tee ya inhunodda ya mun'atutukkadda.

1 Samuel 23:23

Ta na'innilaanyu'en namin nadan ipapa"ayana ya imbagayu mohpe i ha"on ta mi'yaliya' hi'on wada i diyen boble ta ta'on on'u unu'unudon hi an namin an numboblayan di tinanudan Judah.