Psalm 34:21 - Nan Hapit Apu Dios

²¹ Mu hanada'en adi maphod di pangatda ya hanadan ato'atonday gumalat hi atayanda. Ya hanada'en ma'hihhiwoh nadan nipto' di pangatda ya madusada.

Psalm 34:21 ပူးပေါင်းရင်းမြစ်များ

1 Patul 22:37

Ot iyanamutday adol Ahab hi ad Samaria ta hidiy nangilubu'andan hiya.

1 Patul 22:8

Ya alyon Ahab di, Waday oha an mabalin hi pummahmahan mu adi' pohdon te ma''id ha maphod hi ibaganan ha''on. Hay ngadana ya hi Mikayah an imbabalen Imlah. Mu alyon Jehosapat di, Adi maphod an atom hinay pangalim i hiya.

Psalm 20:8

Ot dadiyen adi mundinol i Apu Dios ya ma'abakda ta madadagda mu da'mi'e ya nanongnan mangabak ami.

Psalm 40:15

Ya hanat athidi boy ma'at hinadan mangipadildilah i ha''on ta mibabainda pibo.

Psalm 89:23

Ta pumpate' nadan binuhulnan ma'ahihhiwon hiya.

Psalm 94:23

Ot ukod i hiya an mundusa hinadan tatagun adi maphod di at'attonda.

Hay Nakakan 12:46

Ya mahapul an hinan baley pangananyu ya tigonyu ta ma"id ha milah'un hinan lamoh nan pinaltiyu. Ya tigonyu bo ta ma''id ha maputung hinadan tungalna.

Hay Nakakan 20:7

Ya mahapul an adi nalgom di pangiyusalanyuh ngadan'u an Dios an dayawonyu te ha"on an Dios ya dusao' nan tagun mangathidi.

Proberbs 24:16

Te nan tagun maphod di pangatna ya ta'on on atnay dumatong hi patnah nan nitaguwana ya adi damdama ma'abak. Mu adi athidih nan tagun adi maphod di pangatna te onha hiyay a'atan ha athidih ligat ot minayun di adadagana.

Isaiah 3:11

Mu mahmo'da nimpe nadan adi maphod di at'atonda te nan ina'inatda ya hiya boy ma'at i dida.

Luke 19:14

Mu hanadan ibbanan bimmoble ya ahiwawanda ta hinnagday e mangipa'innila i hiya an adida pohdon an hiyay mumpatul i dida.

Luke 19:27

Ya hanada'en ma'hihhiwon ha''on an agge naminhod hi pumpatula' i dida ya iyaliyu didan namin hitu ta tigo' di pamatayanyun dida.

John 7:7

Te adi da'yu ahiwawan hinadan tatagu mu ha''on ya ahiwawana' an gapuh nadan adi maphod an ato'atonda ya adi miyunnudan hinan itudtudu'.

2 Tesalonika 1:6

Ya nipto' di pangat Apu Dios te nundadaan an mangiballoh hinadan inat nadan namalpaligat i da'yu.

2 Tesalonika 1:9

Ta hay dusada ya madadagdah inggana te mihi"anda i Apu Dios ta adida tigon nan ma"id ha nihippatanan anabaktuna.

1 Samuel 31:4

Ot alyonah nan mangmangdon hi almasnay, Huknutommot nan ispadam ta unguhona' te adi' pohdon an umali nadan mumpungngohen Apu Dios ta paligatona' ya ahiya' mohpe pinaten dida. Mu tumakut hidiyen mangmangdon hi almasnan mangathidi. Ta hiya nan hinuknut mon Saul di ispadana ot ihodna ot okmomana.