Psalm 34:13 - Nan Hapit Apu Dios

¹³ ya hanat halipodpodonyu ta ma"id ha hapitonyuh adi maphod onu layah.

Psalm 34:13 ပူးပေါင်းရင်းမြစ်များ

Job 15:13

Ya tanganu on hi Apu Dios di pangiboholam ta athinay pangalim i hiya?

Psalm 141:3

Ot hay dawato' ya adim bahan iyabulut an waha hapito' hi adi maphod hi gumalat hi pumbahula'.

Psalm 39:1

Hay wah nomnom'u ya mahapul an halipodpodo' an namin di ato' ya hapito' ta wan adiya' mumbahul. Ya udu'dulnay pamaag'uy dindinong hi'on wadada nadan adi maphod di pangatda.

Psalm 55:11

Ya ta'on on idanay pangipluyan ituwen boble on waday akhupan hi munggugulu ya wadaday udum an paligatonda ya kulukonday ibbada.

Proberbs 12:19

Hi'on immannung nan hapiton ya nanongnan nomnomnomon nadan tatagun nangngol mu onha layah nan hapiton ot adi madne ya ma'innilan agge immannung.

Proberbs 12:22

Nadan munlayah an tatagu ya umipabungotda i Apu Dios mu nan immannung di hapitona ya umipa'amlong i hiya.

Proberbs 12:7

Nadan adi maphod di pangatda ya mabahbahda ta lo'tat ya ma"id ha mabati i dida. Mu nan hina'amman maphod di pangatda ya minaynayun di punholagan nadan tanudanda.

Proberbs 13:3

Nan tagun na'ono'nong di hapitona ya miyadawwih adi maphod an ma'at. Mu nan aggena innilan mangono'nong hi hapitona ya hiya ya binahbahnay nitaguwana.

Proberbs 18:21

Te nan hapiton ya mabalin an hiyay lummuh tumaguwan onu atayan. Ot mahapul an way ohaon abulutona nan pumbalinan nan hapitona.

Proberbs 19:9

Nan munlayah an tistigu ya adi mibahhoy adusaana.

Proberbs 21:23

Nan tagun ono'nongonay hapitona ya mihwang hi punligatan.

Isaiah 63:8

Te alyon Apu Dios di, Tatagu da'yu mahan i ha"on ot adiya' mo du'gon i da'yu an imbabale'. Ta hiya nan hiyay mangihwang i dita'u.

Amos 5:14

Ya hanat nan maphod di atonyu ta bokon nan adi maphod ta way atonyun tumagu ya umannung nan alyonyun ita'dog da'yun Apu Dios an ongal di abalinana.

Kolosi 3:9

Ya hanat adi ayu munhinlalayah te indinongyu mo tuwali dadiyen impa'ingyun adi maphod an pangat.

James 1:19

Da'yun ibba' an kimmulug, hanat nomnomnomonyu ta mundadaan ayun mangngol hinan hapit Apu Dios. Ya nomnomonyu on ahi ayu humapit. Ya hanat adi hi kittang on bimmungot ayu

James 1:26

Ya nan tagun mangalih kimmulug i Apu Dios mu adina ono'nongon di hapitona ya hay adolnay ilaylayahhana ya ma''id ha hilbin diyen alyonay kimmulug.

James 3:2

Immannung an dita'un tatagu ya wa'e on nibahho ta'u an namamah nan hapiton ta'u te na'alligat hi e pangano'nongan hi hapiton. Te onha abalinan ta'un mangono'nong hi hapiton ta'u ya wa'ot an nipto' an namin di aton ta'u.

1 Peter 2:1

Mahapul an idinongyun namin nadan adi maphod an impa'inghayu an umat hi layah ya akih ya ha'ul ya nan e panumtumbu'an hi ibba ya hanan pangipatigan hi maphod hi ibba ya dee mannot an nat'on di wah nomnom.

1 Peter 2:22

Hiya ya ma''id ha ohah numbahulana ya ma"id ha hinapitnah layah.