Psalm 31:7 - Nan Hapit Apu Dios

⁷ Ot madinola' ya mun'am'amlonga' hinan pamhodmun ha"on. Te tintinnigom nadan nunholholtapa' ya innilam nadan inomnoma'.

Psalm 31:7 ပူးပေါင်းရင်းမြစ်များ

Nehemiah 9:32

Ot ad uwani ya innilami an he"a nan na'abbaktun Dios ya he"a nan ma'unud. Ya ongal di abalinam ya nanongnan ipatigom nan munnananong an pamhodmu. Ot daan mo bahan ta nomnomom tudan nunligligatanmi an ta'on on handidan a'ammodmi ya patulmi ya ap'apumi ya padimi ya propeta an nihipun hidin nangabakan nadan patul di i Assyria i da'mi ta ingganah ad uwani.

Job 10:9

Ya nomnomom an pito' di iniphodmuh tun adol'u. Ya undan pabangngadona' ot boh nan pito' an nalpuwa'?

Job 23:10

Mu innila' an hi Apu Dios e ya ta'on on idanay awada' ya innilana. Ot innila' an malpah'eh tuwen pamatnanan ha"on ya mabalin an ibaganan nipaddunga' hinan namahmah an balitu'.

Psalm 1:6

Te hi Apu Dios ya ipapto'na nadan umunud i hiya. Mu hanada'en adi maphod di pangatda ya madadagda.

Psalm 10:14

Mu innila' an tigtiggom di punholholtapan nadan udum an tatagu. Ya he''a han dinlonda an bumoddang i dida te he''a han mabalin an mangita'dog hinadan nun'apuhig.

Psalm 119:153

Hanat ihwanga' bahan Apu Dios hitun holholtapo' ot agge' attog inwalong an mangunud hinadan tugunmu.

Psalm 13:5

Mu ta'on on athidi ya ma'dinnola' te innila' an munnananong nan pamhodmun ha''on. Ya mun'am'amlonga' te ihwanga' i he"a.

Psalm 142:3

Ya hi'on ma"id mo ha namnama' ya he''a Apu Dios di mangitudduh ato'. Te ta'on on idanay umaya' on waday ninomnom nadan binuhul'un aton hi panga"uldan ha"on.

Psalm 25:18

Ot uhdungana' bahan nimpe ta tigom tudan punligata' ya pakawanona' bahan hinadan numbahula'.

Psalm 71:20

Ot ta'on hi inyabulutmuy dakol an nunligata' mu madinola' damdama an paphodom di nitaguwa' ta ta'on ona' mun'atte'atte ni' mu aggem inyabulut an mateya'.

Psalm 9:13

Ot hanat hom'ona' bahan Apu Dios te nunhigla tayyay pangat tudan binuhul'un ha"on. Ta ihwanga' ta adiya' bahan mate.

Psalm 90:14

Ta wan abigabigat on mali'nami nan ongal an pamhodmu ta way atonmin mun'am'amlong ituwen ho'dod an pi'taguwanmi.

Isaiah 43:2

Ta ta'on on hinan umagwatanyu hinan adallom an wangwang ya wadaa' an pun'ibbayu ta adi ayu miyanud. Ya alina'e hi dumalan ayuh nan mundalang an apuy ya adi ayu ma'atungan.

Isaiah 49:13

Ot da'yu an luta ya ad lagud ya hanat itkukyuy amlongyu. Ya ta'on on da'yu an billid ya hanat ikankantayuy amlongyu. Te hi Apu Dios ya pa'amlongona nadan tataguna an minomnoman ya mapalpaligat.

Isaiah 63:16

Te he''a damdamay hi amami. Onha adi da'mi ibilang hinadan a'ammodmi an hi Abraham ya hi Jacob ot he''a damdama Apu Dios di hi amami. Te nihipun tuwalih din hopapna ya he"ay nangihwang i da'mi.

Isaiah 63:9

Te an namin nan nunligatan ta'u ya ni'ligat hi Apu Dios i dita'u ot ihwang dita'uh nan anghelna. Ta gapuh nan pamhodna ya hom'on dita'u ya ihwang dita'u. Te nihipun tuwalih din hopapna ya hiyay nangipanapto' i dita'u.

Jeremiah 33:11

di mun'am'amlong an tatagu ya hapit di mungkasal ya nadan udum an a'am'amungan. Ya atbohdin iyalidah nan Templo di idawatda an punhanaanda i ha"on an Dios. Ta alyonday, Munhana amin he"a Apu Dios an ongal di abalinana te maphod nan inatmun da'mi. Ya munnananong di pamhodmu i da'mi. Ya inalin bon Apu Dios di, Immannung te ipaphod'uh tuwen boble ta mumbangngad nan amaphodna tuwali.

Lamentation 3:50

ta ingganay uhdungan da'mi i Apu Dios ta hom'on da'mi.

Lamentation 5:1

Da'mi an i Jerusalem ya nundasal ami ot alyonmiy, Daan mo bahan Apu Dios ta nomnomnomom nadan na'na'at i da'mi. Te nunhiglay nibabainanmi hi nangat nadan binuhulmi.

1 Kulintu 8:3

Ya ipa'innila' bon da'yu an innilan Apu Dios nan tagun waday pamhodnan hiya.

Galasya 4:9

Mu ad uwanin kimmulug ayu i Apu Dios an impa'innilanay a'atnan da'yu ya tanganu bo onyu pohdon an bangngadon an unudon nadan nibahhon nunhilbiyanyu ni' an adi umat hi abalinan Apu Dios di abalinanda?

2 Timothy 2:19

Mu ta'on on wadaday athinan uggan muntudduh nibahho ya adi damdama mabalin an mahukkatan nan tudtudun Apu Dios te nipaddung hinan ongal an batu an adi mabalin hi madlig. Ya nitudo' hidi an alyonay, Hi Apu Dios ya innilana nadan tataguna. Ya inalina boy, Hanadan mangalih tatagun Apu Dios dida ya mahapul an idinongdan mangat hinadan adi maphod an pangat.