Psalm 31:21 - Nan Hapit Apu Dios

²¹ Madayaw hi Apu Dios te impatigona bo nan ongal an pamhodna i ha"on ta inihwanga' hidin lini"uba' hinadan binuhul'u.

Psalm 31:21 ပူးပေါင်းရင်းမြစ်များ

Job 5:21

Ya hiyay mangita'dog i he"a hinadan tatagun mangipaklah bokon immannung an bahul ta hiya nan adi'a tumakut an ta'on hi'on waday dumatong hi dumadag te ihwang da'an Apu Dios.

Psalm 118:23

Hi Apu Dios di nangat ituwe ya umipa'amlong i dita'uh tuwen inatna.

Psalm 17:7

Ta ipatigom nan ongal an pamhodmu. Te innila' an ibaliwmu nadan tatagu an paddungnay mihi''ug i he''a hi'on waday umalih binuhulda.

Psalm 27:5

Te hinan timpun di punligata' ya hiyay paddungnay ihi"uga'. Ya madinola' an boddangana' te paddungnay iyeya' hi uhhun ha natagen doplah.

Psalm 98:1

Ikantaan ta'uh Apu Dios hi balun kanta te nakaskasda'aw nadan inatna. Te gapuh nan ongal an abalinana ya aphodna ya inabakna nadan binuhulna.

Jeremiah 1:18

Ot nomnomnomom an pumbalinon da'a hi paddungnay boble an nahamad di aladna onu nan gumo' an tu"ud onu nan gombang an dingding ta abalinam an mananggah nadan ma'ahihhiwo i he"a hitun ad Judah an ta'on on nadan patul ya nadan ap'apun munhilbin dida ya nadan padi.

1 Peter 2:9

Mu dita'un mumpangulug ya pinto' dita'un Apu Dios hi tataguna ya padina an puntamuwona ya paddungnay oha ta'un bimmoble. Ta wan dita'uy e mangipa'innilah nan inatnan iphodan ta'u. Te hidin hopapna ya paddungnay wa ta'uh nan munhihillong mu ad uwani ya mapmaphod ta pinatalan dita'un Apu Dios.