Psalm 29:10 - Nan Hapit Apu Dios

¹⁰ Hi Apu Dios di mumpapto' hi an namin an ta'on on handin nalbongan tun luta. Ya hiyay Patul an mun'ap'apuh inggana.

Psalm 29:10 ပူးပေါင်းရင်းမြစ်များ

Hidin Hopapna 6:17

Nomnomnomom an lobngo' tun luta ta madadagdan namin di wah tun luta. Ta an namin nadan mataguh tun luta ya mate.

Job 38:25

Ya nganney nangiphod hinan umayuhan di ongal an udan ya nan ullupon di kilat?

Psalm 10:16

Ot ta'on on mama"iddah tun boblem nadan mundayaw hi udum an dios mu da'mi'e ya he"ay Ap'apumi hi inggana.

Psalm 29:3

Hanan kidul an madngol hinan tu'yap di baybay ya hidiyey ohan panapit nan na'abbaktun Dios.

Psalm 65:7

ya abalinam bon padinongon hanan bungug di dalluyun hinan baybay ya ta'on on hay ngalan di tataguh abobboble.

Psalm 9:8

Ya nipto' di atom an mun'ap'apu ya munhumalya.

Psalm 93:1

Hi Apu Dios ya ongal di abalinana ya hiyay na'abbaktun patul. Ya hiyay nangihamad an nangigopnad hinan lutah nan awadana ta ma''id ha mabalin hi mangidlig.

Psalm 99:1

Hi Apu Dios ya hiyay patul an inumbun hi baktun nan numbattanan nan duwan kerubim. Ta hiya nan gumayonggongday tatagu ya umalyog tun luta an gapuh nan ongal an abalinana.

Daniel 2:44

Mu i diye an pun'ap'apuwan dadiyen patul ya wadaon Apu Dios an wah ad abunyan han pun'ap'apuwan an adi mapa"ih. Ta abakonan namin nadan udum an pun'ap'apuwan ta mapogpogda. Ya hidiyen pun'ap'apuwan ya munnananong hi inggana.

Matthew 6:13

Ya adim bahan iyabulut di nunhiglan apatnaanmi ta wan adi da'mi baliyan hinan diyablu.

Mark 4:41

Ya masda'aw nadan itudtuduwanan munhahapitdan alyonday, Nganne nin hituwen tagu an ta'on on ha puwo' ya dalluyun on unudonday ibagana?

1 Timothy 1:17

Ot hi Apu Dios ya abuh di nanongnah madayaw ya mipabaktu. Te hiya ya Patul an ma''id ha pogpog di pun'ap'apuwana ya adi matigo ya nanongnay a'atna te hiya ya ammunay nahamad an Dios. Amen.