Psalm 25:8 - Nan Hapit Apu Dios

⁸ Immannung an maphod'a Apu Dios ya nipto' di pangatmu. Ot hanat itudduwam hanadan adi maphod di pangatda ta wan hanadan tugunmuy unudonda.

Psalm 25:8 ပူးပေါင်းရင်းမြစ်များ

Psalm 119:68

Maphod an namin di atom ya ma'ule'a. Ot hanat itudduwana' bahan hinadan nipto' an pangat.

Psalm 32:8

Ot alyon Apu Dios di, Ituddu' di nipto' hi unudonyu. Ya atbohdin tugunon da'yu ya ipapto' da'yu i ha"on.

Psalm 92:15

Ta hituwey ohan mangipatigo an hi Apu Dios ya nipto' di pangatna. Ya hiya nan umat hinan doplah an nahamad hi ihi"ugan ya ma"id ha alyon hi mihallay pangatna.

Isaiah 26:7

Mu he"a an nungngadan hi Nipto' di Pangatna ya ipaphodmuy pangat nadan na'unud i he"a ta paddungnay andongom nan awonda.

Mikah 4:2

Ya pun'ibagada an alyonday, Ma'ayu ta ume ta'uh nan nabillid an niyappit i Apu Dios an awadan nan Templo an pundayawan nadan tinanud Jacob. Ta itudduwan dita'uhdi an mangat hinan pohdon Apu Dios ta hiyay un'unudon ta'u. Athidiy alyonda te i diye ya hi ad Jerusalem di alpuwan nan tugun Apu Dios an mitudduh nadan tatagu.

Matthew 9:13

Ya atbohdin bokon nadan mangalih ma''id ha bahulday immaliya' te hay immaliya' ya gapuh nadan nun'abahulan. Ot nomnomnomonyu din impitudo' Apu Dios an alyonay, Hay nahamhamad mu nan i'nongyu ya nan pammo'anyuh nadan ibbayu.

Luke 11:13

Ot tigonyu an ta'on on adi maphod di a'atyu mu innilayun mangdat hi maphod hinan imbabaleyu. Ot namama mo i Ama ta'uh ad abunyan an idatna nan Espirituna hinadan mumbaga i hiya.

2 Kulintu 4:6

Te hi Apu Dios di himmapit hidin hopapna ot mawaday patal hinan munhihillong ya hiya boy namatal hi nomnom ta'u ta ipa'innilana i dita'uy anabaktuna an nipatigoh nan a'at Kristu.

James 1:5

Mu wada'en da'yu ha aggena innilay madadawoh hi atona ya maphod on idasalna ta idat Apu Dios di abalinanan mangipanuh hi atona. Ot hi Apu Dios ya nundadaan an mangdat hinan ibaga ta'u ya mun'am'amlong hi pumbagan ta'uh boddangna.