Psalm 25:7 - Nan Hapit Apu Dios

⁷ Ya pakawanom bahan di numbahula' hi apangilga' ta ipatigom nan amaphodmu ya nan pamhodmu i ha"on.

Psalm 25:7 ပူးပေါင်းရင်းမြစ်များ

Job 13:26

Dakol nayyay intudo'muh ipabahulmun ha"on an ta'on on handidan inat'uh a'unga'.

Job 20:11

Ta ta'on on mabikah ni' mu mate ta mumbalin hi pito'.

Psalm 106:3

Ot mipa'amlong nadan tataguna an manginaynayun an mangat hinadan nipto' an pangat.

Psalm 106:4

Ot adiya' bahan linglingon Apu Dios hitun pamoddangam hinadan tatagum an nibalud ta ta'on on ha''on ya ihwanga'.

Psalm 109:14

Ya hanat adim pakawanon nadan bahul di a'ammodna.

Psalm 109:16

Te ma''id ahan ha homo' diyen taguh ibbanan tagu te paligatona on impapatena nadan nun'awotwot ya nadan mahmo' an tatagu.

Psalm 109:26

Ot hanat gapuh nan ongal an pamhodmu ya boddangana' bahan.

Psalm 119:124

Ot ukod'ah nan pohdom hi atom i ha''on an miyunnudan hinan munnananong an pamhodmu. Ya itudtuduwana' bahan nimpe hinadan tugunmu.

Psalm 31:16

Ot daan mo bahan ta ipatigom di ulem i ha"on an baalmu ta gapuh nan munnananong an pamhodmun ha"on ya ihwanga' bahan nimpe.

Psalm 51:1

Innila' Apu Dios an munnananong di pamhodmu ya homo'mu ot daan mo bahan ta pakawanona' hinadan numbahula'.

Psalm 6:4

Gapuh nan munnananong an pamhodmu ya daan mo bahan ta paphodona'.

Psalm 79:8

Apu Dios, hanat adim bahan ibohol i da'mi nadan numbahulan handidan a'ammodmi. Ta hom'on da'mi bahan te ma"id mahan mo tayya ha namnamami.

Isaiah 38:17

Te immannung an numbalinom nan nunholholtapa' hi pummaphoda'. Te gapuh pamhodmun ha''on ya inihwanga' hi ate ya pinakawanmun namin di numbahula'.

Isaiah 43:25

Mu ta'on hi athidi ya linglingo' di numbahulanyu an adi' mo nomnomnomon te athidi tuwaliy a'at'u.

Isaiah 48:11

Ya manu'e hi inat'uh nae ya ta nanongnan haphapiton di tataguy anabaktu'. Te nunhigla ahan hi'on alyonday inabaka' hinadan iniphoddan diosda. Te adi' iyabulut an hay udum di midayaw an bokon ha"on an Dios.

Isaiah 64:9

Ot daan mo bahan ta adim punhiglaon di bungotmu i da'mi. Ya hanat adim bahan inaynayun an nomnomnomon nadan bahulmi ta hom'on da'min tatagum.

Jeremiah 3:25

Mu ta'on hi da'mi ya numbahul ami i he"a Apu Dios an umat ami damdamah nadan a'ammodmi an nihipun hi a'ungami ta ingganah ad uwani ya nginhe da'a ta hiya nan nunhiglay bainmi.

Jeremiah 31:34

Ot adi mo mahapul an waday muntuddun da'yuh a'at'u ta wan un'unudona' an Dios. Te an namin ayun tatagu an ta'on on nadan nawotwot onu nadan waday abalinanda ya innilaona' i dida. Te pakawano' moy bahulyu ta adi' mo uggan nomnomon.

John 5:14

Mu indani ya tinigon Jesus hidiyen taguhdih nan Templo ot alyonan hiyay, Maphod ta ad uwani ya pinumhod'a aya. Mu mahapul mon idinongmu nadan adi maphod an ato'atom te adim'e ya iyal'alanay punligatam.

John 5:5

Ya wadahdi han lala'i an immeh tulumpulut waluy (38) tawon di nunligatana.

Hebrew 8:12

Te pakawanon da'yun ha"on ya adi' mo nomnomnomon nadan numbahulanyu.