Psalm 23:3 - Nan Hapit Apu Dios

³ Ya nanongnan pabikahona' i hiya. Ya ituddunay nipto' hi ato' ta unudo"e ya hiyay mipabaktu.

Psalm 23:3 ပူးပေါင်းရင်းမြစ်များ

Job 33:30

an ihwa'ihwangna didah ate ta way atondan mun'am'amlong an mi'tagu.

Psalm 106:8

Mu ta'on on athidi ya inihwang damdaman Apu Dios dida te hiyay imbagana tuwali. Ya ta wan ma'innilaan di atagutagu an hiya ya ongal di abalinana an Dios.

Psalm 109:21

Mu ha"on'e ya hanat boddangana' ta ihwanga' ta mipatigoy anabaktum ya pamhodmun Dios.

Psalm 119:176

Te umata' tee i ha natala' an kalnero an immadawwi i he"a ot hanat hom'ona' bahan ta mibangngada' an baalmu i he"a. Te agge' inwalong an mangunud hinadan tugunmu.

Psalm 19:7

Hi Apu Dios ya ma"id ha nibahhoh nadan tuguna te pabikahonay nomnom di tagu. Ya madinoltan mangunud te nan agge nanomnoman ya mabalin an manomnoman.

Psalm 31:3

Ot gapu ta he''a nimpe nan paddungnay doplah an ihi''uga' onu nahamad an binattun alad an manandi i ha"on ya ihwanga' bahan hinadan binuhul'u ta wan adayawam.

Psalm 31:4

Ya hanat ihwanga' hinadan paddungnay bitun inihod nadan binuhul'un ha"on te he''a nimpe han mabalin an bumoddang i ha"on.

Psalm 34:3

Ot maphod on middum ayun ha''on ta dayawon ta'un namin hi Apu Dios.

Psalm 5:8

Ot hanat boddangana' ta unudo' nadan pohdom an ta'on hi dakolda tayya tudan mi'buhul i ha''on.

Psalm 51:10

Ya impaphodmu tun punnomnom'u ta wan mumbalina' bo hi na'na'unnud i he"a.

Psalm 51:12

Ya hanat ipabangngadmuy amlong'u ta umat hidin hopap di nangihwangam i ha"on ta pumbalinona' hi na'unud i he"a.

Psalm 79:9

Boddangan da'mi bahan ta ihwang da'mi. Ya pakawanon da'mih nadan numbahulanmi. Ot i naen atom ya dayawon da'a hinadan tataguh udum hi boble.

Psalm 85:13

Hanan maphod an pangat di tatagu di paddungnay mangidadaan hi umaliyan Apu Dios.

Proberbs 4:11

Te hay ituddu' ya nan pangat di nanomnoman an tagu ta bumoddang hinan em pangatan hinan nipto' an pangiye''e.

Proberbs 8:20

Ya hay inaynayun'un aton ya nan miyunnudan hinan pohdon Apu Dios ta nipto' di ato' an mangipanuh hi tatagu.

Isaiah 42:16

Mu nada'en napilok ya ipangulu' dida hinan awonda an aggeda impa'ingha. Ya numbalino' nan munhihillong an awadanda hi mapatal. Ya pundotalo' nadan nun'ah'ung. Manu'eh ato' datuwe ya adi' pohdon an iwalong dida.

Jeremiah 31:25

Ta nadan na"able ya miblayanda ya nadan na'agangan ya mamabhugda mo.

Jeremiah 31:8

Ta nomnomnomonyu an pa'anamuton da'yu an malpu ayuh nadan bobleh nangappit hi huddo'na ya hinadan nun'idawwin bobleh tun luta. Ya ta'on on nadan nun'apilok ya nun'apilay ya nadan numpumbutyug an ta'on on nadan tuwen mun'ayyam ta dakkodakkol ayun umanamut.

Ezekiel 20:14

Mu agge' bo inathidi te adi' pohdon an mibabain te nunhintiggan di atagutaguh nangipanguluwa' i didahdin nanaynandah ad Egypt. Ya ma"id ha mapto' ya alyonday manu'eh pinate' dida ya adi' abalinan an ipapto' dida.

Epesus 1:6

Ot hanat dayawon ta'uh Apu Dios te gapuh nan ongal an homo'nan dita'u ya mabalin an waday niyatan ta'uh nan pa'appohpohdonan Imbabalena an hi Jesu Kristu.

Nipa'innila 3:19

Athinay pangali' i da'yu te an namin nadan pohpohdo' ya ihingal'u ya titilgo'. Ot hanat ip'iphodyuy punnomnomyu ta muntutuyu ayuh nadan numbahulanyu ya indinongyun mangat i dadiye.