Psalm 18:46 - Nan Hapit Apu Dios

⁴⁶ Ot madayaw hi Apu Dios an wadawadah inggana an hiya nan paddungnay doplah an ihi''ugan. Ta hiya nan dayawo' te hiyay mangih'ihwang i ha"on.

Psalm 18:46 ပူးပေါင်းရင်းမြစ်များ

2 Samuel 22:47

Ot madayaw hi Apu Dios an wadawadah inggana an hiya nan paddungnay doplah an ihi"ugan. Ta hiya nan dayawo' te hiyay mangih'ihwang i ha"on.

Psalm 18:2

Te hi Apu Dios di nahamad hi mangipapto' ya mangihwang i ha''on ya hiyay paddungnay hapiyo' onu doplah an ihi"uga'.

Psalm 21:13

Ot madayaw'a Apu Dios te ongal di abalinam. Ot ikankantamiy pundayawmin he''a.

Psalm 25:5

Ya itudduwana' bahan hinadan pohdom an unudonmin tatagum te he''a nan Dios an mangih'ihwang i ha''on ta hiya nan he''ay pundinola' hi bumoddang i ha"on hi abigabigat.

Psalm 42:9

Te he''a nan paddungnay doplah an ihi''uga' mu tanganuna' ingnganuy i he"a ta holholtapo' tayyay pangat nadan binuhul'un ha''on.

Psalm 51:14

Ot hanat ihwanga' bahan nimpe ta adiya' ni' mate te he"a ya ammuna han innila' hi mangihwang i ha"on ta wan ikankanta' nan nipto' an pangatmu.

Psalm 57:11

Ot hanat mipatigo nan abalinam Apu Dios ta wan he"ay dayawon di atagutaguh tun luta.

Psalm 57:5

Mu hanat mipatigo nan abalinam Apu Dios hi ad lagud ya hitun luta. Ta wan he"ay dayawon di tataguh tun luta.

Psalm 68:20

Te hiya an na'abbaktun Dios ya abalinanan mangipapto' ya mangihwang i dita'un tataguh ate.

Psalm 79:9

Boddangan da'mi bahan ta ihwang da'mi. Ya pakawanon da'mih nadan numbahulanmi. Ot i naen atom ya dayawon da'a hinadan tataguh udum hi boble.

Psalm 99:9

Madayaw hi Apu Dios. Ot eta'u ta eta'u dayawon hiya hidih nan nabillid an niyappit i hiya hi ad Jerusalem te ma''id nimpe ha adi maphod i hiya.

Hay Nakakan 15:2

Ta hiyay nangdat hi bikah'u ya am'amlong'u te inihwanga' i hiya. Ya hiya nan Dios an dayawo' ya nan anabaktunay haphapito' ya ikankanta'. Ya hiya tuwaliy dinayaw handidan a'ammod'u.

Isaiah 12:2

Ta he"ay nangihwang i da'mi ta hiya nan ma"id mo ha itakutmi te mundinol amin he"a. Te he"ay mangdat hi abalinanmi. Ta ma"id nimpe ha udum hi mangihwang i da'mi hi'on bokon he"a ya abuh.

Jeremiah 10:10

Mu he"a nan immannung ya wadawada an Dios. Ya atbohdin he"ay patul hi inggana. Ya wa'et bimmungot'a ya umalyog tun luta ta mun'adadagday abobboble.

Luke 1:47

ya mun'am'amlonga' te hiyay mangdat hi pi'taguwa' hi munnananong

John 14:19

Te immannung an agagga mo ya adiya' tigon hinadan agge kimmulug i ha"on. Mu da'yu'e ya ahiya' tigon te tumaguwa'. Ot atbohdin da'yu an mi'tagu ayun ha''on.

Nipa'innila 1:18

Ya mataguwa' te ta'on hi pinateya' mu tigom an mataguwa' hi inggana. Ta hiya nan ha"on di ukod hi itaguwan di tatagu ya ha"on boy ukod hi umayan di linnawadah atayanda.