Psalm 145:21 - Nan Hapit Apu Dios

²¹ Ta hiya nan ha"on'e ya pohdo' an dayawon hi Apu Dios. Ot hanat athidin namin nadan limmuna an hiyay dayawondah ingga'inggana.

Psalm 145:21 ပူးပေါင်းရင်းမြစ်များ

Psalm 103:22

Ta an namin ta'un limmuna ya dayawon ta'u hiya an ta'on on idanay awadan ta'u. Ot ta'on on ha"on ya nanongnan hiyay dayawo'.

Psalm 145:5

Ya dadiyen mangipatigoh anabaktum an Dios di mipapanomnom i ha"on.

Psalm 150:6

Ot an namin ta'un waday yahyahna ya hanat dayawon ta'u hiya. Madayaw hi Apu Dios.

Psalm 30:12

Ta hiya nan adi mabalin hi pamaag'uy dindinong te mahapul an ikankanta' di pundayaw'u ya punhanaa' i he"a.

Psalm 51:15

Ya hanat boddangana' Apu Dios ta wan he"ay midayaw hinan humapita'.

Psalm 65:2

Ya he''ay pumpaboddangan di atagutaguh abobboble te donglom di dasalmi.

Psalm 69:35

Te hi Apu Dios ya ipapto'nah ad Jerusalem ya ipaphodna nadan udum an nun'apa"ih an bobleh ad Judah ta pumboblayan nadan tataguna.

Psalm 71:15

Ta ma"id ha dindinong'un mangibanagbaggah amaphodmu ya nadan atom an mangihwang hi tatagu an ta'on on dakol nadan adi' ma'awatan hinan a'atmu.

Psalm 71:8

Ta hiya nan abigabigat ya he"ay daydayawo' ya hay amaphodmu ya anabaktum di haphapito'.

Psalm 86:9

Ta hiya nan an namin nadan limmum an tatagu an wah abobboble ya umalida ta mumpada''uldan he''a ya ipa'inniladay anabaktum an Dios.

Psalm 89:1

Nanongnan ikankanta' Apu Dios nan ongal an pamhodmu ya nan amaphodmu te adim ibahhon aton di ibagam hi atom. Ta ta'on on hanadan mun'atanudan ya ma'innilaanda.