Psalm 129:5 - Nan Hapit Apu Dios

⁵ Ot hanat ma'abakdah gubat ta mibabain nadan ma'hihhiwoh tun ad Jerusalem.

Psalm 129:5 ပူးပေါင်းရင်းမြစ်များ

Nehemiah 6:16

Ta hidin dingngol nadan binuhulmi an nunhituh nadan nunlini''odan nan boblemi ya timmakutda mohpe te inniladan hi Apu Dios di bimmoddang i da'mi ta hiya nan agagga ya ginibbuhmi nadan tinamuwanmi.

Esther 6:13

Ot pun'ibaganah nan ahawana an hi Seres ya nadan gagayyumna nan na'at i hiya. Ya inalidan hiyay, Manu'e hi nipada"ul'a ya oha an Judyu hi Mordekay ot hiya nan ma"id ha abalinam an mangabak i hiya ya umannung an hiyay gumapuh adadagam.

Esther 9:5

Ta nadan Judyu ya numpateda nimpe nadan binuhulda ta inatday pohdondan aton hinadan humihiwo i dida.

Psalm 122:6

Ot hanat idasal ta'u ta malinggop hitun ad Jerusalem. Ya hanat pumhod di nitaguwan nadan ongal di pamhoddah tun ad Jerusalem.

Psalm 40:15

Ya hanat athidi boy ma'at hinadan mangipadildilah i ha''on ta mibabainda pibo.

Psalm 71:13

Ta hanadan ihikna an mamate i ha"on ya diday ma'abak ta madadagda ta mibabainda.

Isaiah 10:12

Mu ha"on an Dios ya ninomnom'un malpah'en namin nan ato' hi ad Judah an namamah nan nabillid an ad Zion ya an namin hi ad Jerusalem ya dusao' mohpe nan patul hi ad Assyria an gapuh punlattuwagana.

Isaiah 29:8

Ta umat hinan tagun na'agangan an in'inopponan mangmangngan mu indani ta inggibo'na ya hiyah diyen na'agangan. Ya nan na"uwoh an ta'on hi in'inoppona an um'uminnum hi liting mu indanit igibo'na ya hiyah diye damdaman milu'uy hi inuwohna. Ta ta'on on dakkodakkol di tatagun malpuh abobboblen mangubat hinan nabillid hi ad Zion mu hay immannung ya adida mangabak.

Isaiah 37:22

Ta hiya nan alyonay, Da'yun tatagu hi ad Jerusalem ya ahiyu pihulon ya ngihngihilan hi Sennakerib. Ya munwigwigiwig ayuh paniganyuh bumtikana.

Isaiah 37:35

Te ibaliw'uh tuwen boble ta adayawa' ya ta mipa'annung din imbaga' hidin baal'u an hi David.

Mikah 4:11

Ta i diye ya ma'amungday tataguh abobboble ta gubaton da'yu an aptuwanday adadaganyu.

Sekariah 12:3

Alyon bon Apu Dios di, Hitun apogpogan tun luta ya pumbalino' hi ad Jerusalem hi paddungnay ongal an batu ta adi mabalin hi madlig. Ta ta'on on umaliday tataguh abobboble an mangubat i dida on diday mun'a'ipit.

Sekariah 12:6

Ya alyon bon Apu Dios di, Ya i diyen apogpogan tun luta ya pumbalino' nadan ap'apuh ad Judah hi paddungnay apuy an gobhonay nitapu"ul an kayiw ya padalangonay nitapu"ul an dagami. Ot athituy ma'at hinadan umalin malpuh nunlini"odanda an mangubat i dida. Mu hi ad Jerusalem e ya munnanong an malinggop.

1 Kulintu 16:22

Ot hi Apu Dios di ukod an mundusah nadan tatagun ma''id ha pamhoddan hiya. Hanaot ta mumbangngad'a mo an Ap'apumi.