Psalm 119:78 - Nan Hapit Apu Dios

⁷⁸ Hanadan tugunmuy nanongnan ada'adalo' mu hanada'en munlattuwag an tatagu ya hanat mibabainda hinan agge immannung an ipabahuldan ha"on.

Psalm 119:78 ပူးပေါင်းရင်းမြစ်များ

Psalm 1:2

Te hay pun'amlonganan unudon ya hanadan tugun Apu Dios an ada'adalonah abigabigat ya ahodohodom.

Psalm 109:3

Ya dakol di ibagadah pamahbahdan ha''on an ta'on on ma"id ha bahul'un dida.

Psalm 119:15

Ta hiya nan ada'adalo' dadiyen tugunmu ya dadiyey minonomnom i ha"on.

Psalm 119:21

Te dusaom nadan munlattuwag ya mungngoheh nadan tugunmu.

Psalm 119:23

Ya ta'on on nunhahapit nadan ap'apu ta dadagona' mu hiyah diyen adi' iwalong an mangada'adal hinadan tugunmu.

Psalm 119:51

Ya ta'on on nunhiglay pamihul nadan munlattuwag an tatagu i ha"on ya adi' damdama iwalong an mangunud hinadan tugunmu.

Psalm 25:3

Ta nadan mundinol i he"a di mangaba'abak ta adida mibabain. Ta hay mibabain ya hanadan mun'angongohen tatagu.

Psalm 35:26

Mu hanat mibabain hanadan nungngihngihil i ha"on hidin maligligatana'. Ta dida an mangalih udu'dulda mu ha''on ya mumballin ta aggeda innilay at'attonda ya mibabainda.

Psalm 35:7

Te ta'on tayyah on ma''id ha bahul'u on apyanan paddungnay ihodday tawang hinan awo' ya ayda bo nangapyah pamitudan ha"on.

Psalm 69:4

Hanadan humihiwon ha''on an ta'on on ma''id ha bahul'un dida ya indakdakolda mu hay bilang di ibu''u. Dakol di layah an ipabahuldan ha"on ta pinhoddan pulhon nadan wadan ha"on te alyonday inala' anun dida mu hay immannung ya ma"id ha inala' i dida.

Jeremiah 50:32

Ta ta'on on ayu mumbaktu mu madadag ayu damdama. Ya ma"id ha bumoddang i da'yu. Te pu'ula' nadan bobleyu ta mi'ighobdan namin nadan boblen wah nunlini"odanyu.

John 15:25

Ta hiyah naey nipa'annungan din nitudo' hinan Nitudo' an Tugun an alyonay, Ahiwawana' hinadan tatagu an ta'on on ma"id ha bahul'un dida.

1 Peter 2:20

Mu on'e tuwali gapuh bahul ta'uy pamalpaligatandan dita'u ya ma"id ha gungguna ta'u. Mu ipa'amlong dita'u i Apu Dios hi'on itpol ta'uy pamalpaligatdan dita'u an gapuh pangatan ta'uh maphod.

1 Samuel 24:17

Ot alyona i David di, Abuluto' an nipto' nan inatmu mu nan inat'u. Nan maphod an inatmun ha"on ya adi maphod di impabangngad'un he"a.

1 Samuel 26:18

Ot inayun David an alyon di, Tanganu on ingganah ad uwani ya eya' pudupudugon an baalmu? Undan nganne ahan nan inat'u ya nganne ahan di numbahula'?