Psalm 119:58 - Nan Hapit Apu Dios

⁵⁸ Ot mumpahmo'a' i he''a ta hom'ona' bahan an miyunnudan hinan imbagam.

Psalm 119:58 ပူးပေါင်းရင်းမြစ်များ

1 Patul 13:6

Ot alyon mohpen Jeroboam hinan propeta di, Idasalana' bahan ta ipaphod nan Dios an dayawom tun ta'le'. Ot idasalana ot pumhod mohpe nan ta'lena ta numbangngad nan a'atna tuwali.

Job 11:19

Ta mabalin mohpen malinggop hi em alo'an te ma"id ha iyaguhmu. Ya mabalin an dakolda mohpey mumpaboddang i he"a.

Psalm 119:10

Ot ta'on on ha"on ya ato' di abalina' an mangat hinadan pohdom Apu Dios. Ot hanat boddangana' ta inaynayun'un unudon nadan tugunmu.

Psalm 119:145

Adiya' mangmanghop an mumpaboddang i he''a Apu Dios. Ot hanat donglona' bahan ta wan inaynayun'un mangunud hinadan tugunmu.

Psalm 119:170

Ot hanat donglom nimpey dasal'u ta ihwanga' ta miyunnudan hinan imbagam.

Psalm 119:41

Ya hanat ipatigom nan munnananong an pamhodmun ha''on Apu Dios ta ihwanga' hi adadaga' an miyunnudan hinan imbagam hi atom.

Psalm 119:65

Impa'annungmu Apu Dios nadan imbagam ya impatigom di aphodmun ha''on an baalmu.

Psalm 119:76

Ot hanat gapuh nan munnananong an pamhodmun ha''on ya palinggopona' an miyunnudan hinan imbagam i ha"on an baalmu.

Psalm 138:2

Ya ihangngab'uh nangappit hinan Templo ya nundu"una' ta dayawon da'a an gapuh nan munnananong an pamhodmu ya gapu ta adim ibahhon aton an namin di ibagam. Te impa'innilam an nahamad nadan hapitmu.

Psalm 27:8

Ya wa'e ta nipanomnom i ha"on an dayawon da'a, on hiyay inat'u.

Psalm 4:6

Apu Dios, hantudan udum ya alyonday, On daan ihya ta waha bumoddang i dita'u. Ot daan mo bahan Apu Dios ta ipatigom di ulem i da'mi.

Psalm 56:10

Dayawo' hi Apu Dios te madinola' hinadan adi mibahhon imbagana.

Psalm 56:4

Ot dayawo' hi Apu Dios te madinola' hinan imbaganan ihwanga' i hiya. Ta hiya nan ma"id ha itakut'u te ma"id ha tagu hi abalinana an manadag i ha"on.

Hosea 7:14

Ya hingkogkoga"onyun mundasal mu bokon ha"on di pundasalanyu te hi Baal. Ya hugatonyuy adolyu ta alinah donglona ta wagahana nadan intanomyu.

Matthew 24:35

Mabalin an mapogpog hi ad lagud ya tun luta mu hanan hapit'u ya munnananong ta ingganah mipa'annung.

Hebrew 10:22

Ot hay maphod hi aton ta'uh ad uwani ya mihaggon ta'u i Apu Dios an iyohha ta'uy punnomnom ta'un hiya ta adi ta'u munduwaduwa. Te innila ta'u an nan dalan Jesus di paddungnay nangulahnah nadan adi maphod an ina'inat ta'u ta wan mibilang ta'uh malinis. Ya hidin numpabonyagan ta'uy nipatigana an inulahan dita'uh nan ma'pagganah an liting.