Psalm 119:22 - Nan Hapit Apu Dios

²² Ot hanat adim iyabulut an pihulona' i dida hinan e' pangun'unudan hinadan tugunmu.

Psalm 119:22 ပူးပေါင်းရင်းမြစ်များ

Job 16:20

Ot ta'on on inwalonga' hinadan ibba' mu wadah Apu Dios an pumpahpahmo'a' ta boddangana' i hiya.

Psalm 119:39

Te hanadan tugunmuy mangihwang i ha"on hinan itakut'un e' ibabainan.

Psalm 119:42

Ta waha pambal'uh nadan mama'bain i ha"on te waday dinol'uh nan hapitmu.

Psalm 37:3

Hi Apu Dios ot eh'ay pundinolanyu ya hanadan maphod di atonyu ta wan malinggop di pi'taguwanyuh nan boblen indatnan da'yu.

Psalm 37:6

Ta wan gapuh nan nipto' an pangatyu ya ipa'innilan Apu Dios hi atagutagu an ma"id ha bahulyu. Ta umat ayuh nan algo an pintangna'e ya patalanan namin di abobboble.

Psalm 39:8

Ot hanat ihwanga' bahan ta adiya' madusa an gapuh nadan numbahula'. Ya hanat adim iyabulut an ngihngihilana' hinadan paddungnay ma"id ha nomnomda.

Psalm 42:10

Ta ta'on on hanan pangalida ya mahkit an paddungnay puntudukday puhu'. Te alyonday daan bo anu ta boddangana' hinan Dios an dayawo'.

Hebrew 13:13

Ot hay maphod ya hi Jesus di pangidinlan ta'u ta bokon nan inunud ta'u ni'. Ya abuluton ta'u boy pumpaligatan ta'u an umat hinan inat Kristu.

1 Peter 2:20

Mu on'e tuwali gapuh bahul ta'uy pamalpaligatandan dita'u ya ma"id ha gungguna ta'u. Mu ipa'amlong dita'u i Apu Dios hi'on itpol ta'uy pamalpaligatdan dita'u an gapuh pangatan ta'uh maphod.

1 Samuel 25:10

Mu alyon Nabal di, On nganne ihyah naen hi David an imbabalen Jesse? Dakol hi ad uwaniy baal an bumtik ta taynanday ud baal i dida.

1 Samuel 25:39

Ya hidin dingngol David an nateh Nabal ya alyonay, Madayaw hi Apu Dios te hiyay nangiballoh hinan inat Nabal i ha"on ta hiyay nundusa i hiya i diyen adi maphod an inatna. Ta aggena nimpe inyabulut an ato' di adi maphod. Ot ituda'na han e nangibaga i Abigail ta mun'ahawada.