Psalm 119:140 - Nan Hapit Apu Dios

¹⁴⁰ Mu ha''on an baalmu ya ongal di naminhod'u i dadiyen tugunmu te na'innilaa' an adim ibahhon aton nadan ibagam hi atom.

Psalm 119:140 ပူးပေါင်းရင်းမြစ်များ

Psalm 119:128

Ot gapu ta innila' an nipto' an namin nadan tugunmu ya nunhiglay agge' naminhodan hinadan adi maphod an pangat.

Psalm 119:47

Te ongal di naminhod'uh nadan tugunmu ta hiya nan nunhiglay amlong'u an mangunud i dadiye.

Psalm 12:6

Mapmaphod hinaen hapit Apu Dios te nan hapitna ya umat i ha namahmah an silber an numpipitun nilutu.

Psalm 12:7

Ot he''a Apu Dios di dinlonmi hi mangipapto' i da'mi ta mihwang amih inggana hinan pangat nadan tatagun adi maphod di pangatda.

Psalm 18:30

Hi Apu Dios ya nipto' di pangatna ya immannung nadan hapitna. Ya hiyay paddungnay hapiyon nadan mihi''ug i hiya.

Psalm 19:8

Ya nipto' hanadan tugun Apu Dios te hanadan mangunud i datuwe ya mipa'amlongda. Ya paphodonay punnomnom di tagu.

Proberbs 30:5

Hi Apu Dios ya ipa'annungnan namin nan hinapitna. Ya hiyay paddungnay hapiyon nadan mihi"ug i hiya.

Roma 7:12

Immannung an nan tugun Apu Dios ya maphod ya ma"id ha nibahhoh nadan nituddun mahapul an ma'unud.

Roma 7:16

Mu hituwen agge' naminhodan hinadan adi maphod an ato'ato' di atigana an abuluto' an nipto' nan uldin ta'un Judyu.

Roma 7:22

Manu te hay nomnom'u ya pinhod'un nan tugun Apu Dios di unudo'.

1 Peter 2:2

Ta hay eyu ot pun'adalan hinadan hapit Apu Dios di popohdonyu ta umat ayuh nan golgollang an hay ena uminuman hi gatas di nomnomnomona ya abuh. Te gahin onyu atonhidi ya ahi mihamad di pangulugyu.

2 Peter 1:21

Te nan hapit Apu Dios an intudo' nadan propetah din nadne ya bokon hay nomnomday nalpuwana te nan Espiritu di nangipa'innilah nan intudo'da.