Psalm 119:116 - Nan Hapit Apu Dios

¹¹⁶ Ot hanat pabikahona' bahan Apu Dios ta wan tumaguwa' te hidiyey imbagam. Ya hanat adim iyabulut an madismayaa' hi e' pangidinolan i he"a.

Psalm 119:116 ပူးပေါင်းရင်းမြစ်များ

Psalm 119:17

Wagahana' bahan an baalmu Apu Dios ta wan mi'taguwa' ta wan unudo' nimpe nadan tugunmu.

Psalm 119:6

Te onha unudo' an namin nadan tugunmu ya innila' an ma''id ha gumalat hi e' ibabainan.

Psalm 25:2

te he''a ya abuh han pundinola'. Ot hanat adim iyabulut an ma'abaka' ta mibabaina' ta adiya' ngihngihilan hinadan mi'buhul i ha''on.

Psalm 37:17

Te dadagon Apu Dios nan abalinan nadan adi maphod di pangatda. Mu ipapto'na nadan maphod di pangatda.

Psalm 37:24

Ya ta'on on waday apatnaanda ta paddungnay nikudlihda mu adida munnananong hidi te pata'dogon Apu Dios dida.

Psalm 41:12

Ot innila' an gapu ta maphod di pangat'u ya banoddangana' i he''a te nanongnan wadawada'an ha"on.

Psalm 54:4

Mu he''a Apu Dios di nahamad hi bumoddang ya mangibaliw i ha''on.

Psalm 63:8

Ot he''ay nanongnah pundinola' te ongal nan abalinam an mangibaliw i ha"on.

Psalm 94:18

Te hidin mali'na' an ma'abaka' ot mumpahmo'a' i Apu Dios te innila' an gapuh nan ongal an pamhodnan ha"on ya binoddangana'.

Isaiah 41:10

Ot adi ayu tumakut ya adi ayu minomnoman te ha"on nan Dios an dayawonyu ya wadawadaa' i da'yu. Ta gapuh nan ongal an abalina' ya pabikahon da'yu ya boddangan da'yu ya impapto' da'yu i ha"on.

Isaiah 42:1

Alyon bon Apu Dios di, Ha ahan di nomnomnomonyu ya nan pinto"u an baal'u an indatta' hi abalinana ya hiyay mangipa'amlong i ha"on. Te ipiddum'u nan Espiritu' i hiya ta nipto' an namin di atona an mun'ap'apu hi tataguh abobboble.

Isaiah 45:17

Mu dita'u'e an tinanud Israel ya nanongna an ihwang dita'u i Apu Dios ta adi ta'u mibabain hi ing'inggana.

Roma 10:11

Ya impitudo' bon Apu Dios an alyonay, Nan tagun mangidinol i Jesu Kristu ya ma''id ha puntutuyuwanah ena kimmulugan

Roma 5:5

te immannung an atona ta ma''id ha e ta'u puntutuyuwan hi e ta'u kimmulugan. Te nan Espirituna an impiddumna i dita'u di mangipali'nah nan pamhodnan dita'u.

1 Peter 2:6

Ot athinay a'atna te impitudo' tuwalin Apu Dios an alyonay, Nomnomnomonyu an iha"ad'u hi ad Zion nan pinto''u an nipaddung hi batu an nahamad hi ipabunan di bale. Ta nan tagun mundinol i hiya ya adi muntutuyu hi ena nangiyukodan hi nitaguwanan hiya.