Psalm 118:7 - Nan Hapit Apu Dios

⁷ Te madinola' an gapuh boddang Apu Dios ya ma'abak nadan binuhul'u.

Psalm 118:7 ပူးပေါင်းရင်းမြစ်များ

1 Chronicles 12:18

Ya bimmikah nan Espiritun Apu Dios i Amasay an hiyay ohah nadan numbalin hi opisyal nadan tulumpulun (30) tindalun David ot alyonay, Immali amin middum hinadan tindalum ta bumoddang amin he"a David an imbabalen Jesse. Maphod ayay pumbalinam ya ta'on on nadan bumbummoddang i he"a te boddangan da'yuh nan Dios an dayawom. Ot abuluton David dida ot pumbalinona didah opisyal nadan tindaluna.

Psalm 112:8

Ta hiya nan ma'dinnol an adi minomnoman te innilanan ma'abak nadan mi'buhul i hiya.

Psalm 54:4

Mu he''a Apu Dios di nahamad hi bumoddang ya mangibaliw i ha''on.

Psalm 54:6

Ya munhanaa' i he"a te maphod di a'atmu. Ot mun'am'amlonga' an mangidawat hinadan i'nong'un he''a.

Psalm 54:7

Te binoddangana' hinadan punligata' ya tinigo' di na'abakan nadan mi'buhul i ha"on.

Psalm 55:18

Ta ihwanga' hinadan e' pi'gubatan an ta'on on dakolday mi'buhul i ha"on.

Psalm 59:10

Te innila' an ongal di pamhodmun ha"on ya innila' an boddangana' ta abako' nadan binuhul'u.

Psalm 59:11

Mu adim tatawwa pinghanon an patayon dida te alina ya linglingon nadan tatagu' hidiyen atom hinadan binuhulmu. Mu gapuh nan ongal an abalinam ya iwakatmu didah abobboble ta wan mama"id moy abalinanda.

Psalm 92:11

Tinigo' di nangabakam hinadan binuhul'un adi maphod di pangatda ya dingngol'uy tukukdan ahililili.

Isaiah 41:13

Te ha"on an Dios an dayawonyu an mangipanapto' i da'yu ya alyo' di, Adi ayu nimpe tumakut ot boddangan da'yu i ha"on.