Psalm 109:15 - Nan Hapit Apu Dios

¹⁵ Ot hanat adim linglingon Apu Dios di numbahulandan himpamilya ta lo'tat ya ma"id nimpe ha uggan mabong'al i dida.

Psalm 109:15 ပူးပေါင်းရင်းမြစ်များ

Job 18:17

Ta hidiyey apogpogan di nundongolana ta ta'on on hinan boblena ya adi uggan mabong'al di ngadana.

Psalm 109:13

Ta ma''id ha mabatih nadan imbabalena ta lo'tat ya ma"id ha uggan mabong'al i didan pamilya.

Psalm 34:16

Mu hanada'en mangmangngat hi adi maphod ya nunhiglay bungotnan dida. Ta hiya nan nateda'e ya adi madne ya linglingon di tatagu dida.

Psalm 34:17

Te adida umat hinadan maphod di pangatda an nundadaan nimpeh Apu Dios an mangngol hi dasalda ya boddangana didah nadan punligatanda.

Psalm 51:9

Ot hanat linglingom bahan nimpe nadan numbahula'.

Psalm 90:8

Te innilam an namin di bahulmi an ta'on on hanadan inatmi an ma"id ha nanginnila.

Isaiah 65:15

Ya waday balu an ngadanda. Mu da'yu'e pibo ya mumbalin di ngadanyu hi pun'idut di tatagu te patayon da'yu i ha"on an na'abbaktun Dios.

Jeremiah 2:22

Ot hay a'at di numbahulanyu ya umat hinan lugit an adi abalinan di dakol an habun an aanon.

Hosea 7:2

Ya hay punnomnomyu ya agge' innilan namin nadan adi maphod an ato'atonyu mu hay immannung ya innila' an hanadan pumbahulan di ato'atonyu.

Amos 8:7

Mu hi Apu Dios ya alyonay, Adi' linglingon dadiyen adi maphod an inatda an ta'on onda ipabaktuy niyatandan ha"on.

Deuteronomy 32:34

Mu hi Apu Dios ya alyonay innilanan namin nadan at'atonyu. Ya hadhaddonay adatngan di pundusaana i da'yu.