Psalm 107:43 - Nan Hapit Apu Dios

⁴³ Ot nan nanomnoman an tagu ya maphod on nomnomnomona datuwen na'na'at. Ta nomnomnomona nan munnananong an pamhod Apu Dios.

Psalm 107:43 ပူးပေါင်းရင်းမြစ်များ

Psalm 28:5

Ya ma"id tuwali ha alyonday maphod nadan limmun Apu Dios ya nadan ina'inatna. Ta hiya nan dadagona dida ta apogpogandah inggana.

Psalm 50:23

Mu wa'et un'unudonyu nadan tugun'u ya ihwang da'yu. Ya hay umipa'amlong i ha"on ya hi'on inaynayunyun munhana i ha"on.

Psalm 64:9

Ta i diyen ma'at ya malmu mohpey takut di tatagu. Te masda'awda i diyen aton Apu Dios ya eda mohpe ibanagbaggah diyen inatna.

Isaiah 42:20

Te ta'on hi dakol di tinigoyu mu ma"id ha hilbina i da'yu. Ya waday ingayu mu ningamut an adiyu pohdon an donglon.

Isaiah 5:12

Ya hinadan a'am'amunganyu an pun'am'amlonganyu ya pun'idadaanyuy makan ya ma'inum. Ya ipagangohyuy harp ya tamburin ya ungngiyung ya nadan udum. Mu ma"id ha punnomnomyu hinadan ato'aton Apu Dios i da'yu.

Jeremiah 9:11

Ot alyon Apu Dios di, O, te dadago' an namin nadan bobleh ad Judah an umat hi ad Jerusalem ya nadan tataguhdi ta mumbalin hi adi maboblayan. Ta nadan jakal ya ammunay uggan mawannat hidi.

Jeremiah 9:12

Ot alyo' i Apu Dios di, An namin ami ya adimi ahan ma'awatan nan na'at hi ad Judah an namaag ya numbalin hi agge naboblayan. Tanganu ahan on nunhiglay ena nadadagan ta namaag ya ma"id ha naminhod an mangi'wahdi?

Jeremiah 9:24

Te hay maphod hi ilattuwagyu ya nan nanginnilaanyun ha"on an Dios ya nan abalinanyun manginnilah a'at'u. Te ha"on an Dios ya ma'uleya' ya mabalin an pundinolana'. Ya ongal di homo"uh nadan tataguh tun luta te datuwey pun'amlonga'.

Daniel 10:12

Ya alyonay, Adi'a tumakut Daniel. Te nihipun hidin pohdom ahan an innilaon nan ibalinan nan nipatigon he"a ta numpada"ul'a i Apu Dios ya dingngolna mo tuwali nadan imbagam ta hiya nan hinnaga'.

Daniel 12:10

Ya i diye ya dakolday nipaphod di pangulugda ta indinongda nadan adi maphod an pangiye"eda ta ma"id ha ipabahul Apu Dios i dida. Mu nadan adi maphod di pangatda ya hiyay inaynayundan aton an adida ma'awatan nadan ma'ma'at. Mu nadan nanomnoman ya innilaonday a'atna.

Hosea 14:9

Ot ha"on an hi Hosea ya alyo' di, Nan nanomnoman an tagu ya ma'awatana datuwe. Te nipto' di pangat Apu Dios. Ot nadan mangun'unud i hiya ya nadan tugunay nomnomnomonda mu hanada'en mumpungngohe ya madadagda.