Psalm 105:43 - Nan Hapit Apu Dios

⁴³ Ta hiya nan impanguluna handidan pinilinan tataguna ta tinaynandah ad Egypt. Ya nunhiglay amlongda ta hiya nan it'itkukday kantada.

Psalm 105:43 ပူးပေါင်းရင်းမြစ်များ

Hidin Hopapna 15:16

Ta ingganah nan mi'apat an tinanud ya ahida mumbangngad ituwen boble. Te damunahdi ya namamay pumbahbahulan nadan nunhitu ituwen boble an tinanud Amor ta hiya nan dusao' dida.

Psalm 105:6

Te dita'un tinanudan nan baalnan hi Abraham an ammod Jacob di pinto'nah tataguna.

Psalm 106:5

Ta wan tigo' di pumhodan di pi'taguwanmin pinto'mun tatagum ta wan mi'yam'amlonga' i dida ya midduma' i dida an mundayaw i he"a.

Hay Nakakan 14:8

Te hi Apu Dios ya numbalinona nan patul hi mungngohe ta tinnudda nadan tinanud Israel an ma"id ha takutdan mange.

Isaiah 35:10

Ta umanamutdah ad Zion dadiyen paddungnay pinla'na an mungkankantadah pundayawda i hiya. Ya ha moy am'amlong di wada i didah inggana an adida mo minomnoman ya adida umukayungan.

Isaiah 55:12

Ta umat i da'yu an wahna hi ad Babilon an hanat mun'am'amlong ayu an makak hina ta malinggop ayu hi pangipa'aana' i da'yu i naen boble. Ta ta'on on nadan billid ya nadan nabillid ya ayda mi'ikantah amlongda. Ya ta'on boh on nadan kayiw ya ayda pumalakpak hi amlongda.

Apostoles 13:17

Dita'un Judyu ya innila ta'u an handidan a'ammod ta'uy pinto' Apu Dios hi tataguna ta hidin awadandah ad Egypt ya winagahana dida ta dimmakolda. Ya gapuh nan ongal an abalinana ya impa'aana didah ad Egypt.

Apostoles 7:36

Ta hidin e nangawitan Moses i dida ya dakol di milagro hi inatnah ad Egypt ya hay nangi'wandah nan baybay an mumbolah ya hidih nadan inwa'inwada an agge naboblayan hi napat (40) di tawon.

Joshua 24:5

Ta hidin wadadahdi ot honago' hidi da Moses i Aaron ta dakol di ina'inat'un nangipaligligat hinadan i Egypt ot ahi da'yu okakon hidi.

Judges 6:9

Ta imbaliw da'yuh nadan i Egypt an namalpaligat i da'yu. Ot pa'aano' nadan numpunhitu ituwen boble ot idat'un da'yu.