Proberbs 31:20 - Nan Hapit Apu Dios

²⁰ Ya innilanan hummo' hinadan nun'awotwot ya nadan mahapulnay boddang.

Proberbs 31:20 ပူးပေါင်းရင်းမြစ်များ

Psalm 112:9

Ya ongal di boddangnah nadan nun'awotwot ya nanongnan hummo' hi tatagu. Ta hiya nan ongal di punlispitun nadan tatagu i hiya.

Psalm 41:1

Mipa'amlong nan tagu an innilanan hummo' hinadan maligatan. Te boddangan damdaman Apu Dios hi'on waday punligatana.

Psalm 41:2

Ya ipapto'na ta mihwang hi ate. Ya wagahana ta mumbalin an hiyay matangad hinan numboblayana. Ya adina iyabulut an abakon nadan binuhulna.

Proberbs 1:24

Mu ningamut an adiyu pohdon an ta'on ona' umaya'ayag. Ya unhaot dingngolyu nan pinadana' i da'yu.

Proberbs 19:17

Hanan bumoddang hinadan nawotwot ya ay hi Apu Dios di impa'utangana ot hiyay ukod an mamallog.

Proberbs 22:9

Nan tagun innilanan hummo' hinadan nawotwot ya mawagahan.

Proberbs 31:19

Ya hiya boy mumpudun ta abolona ta iphodnah agamidonda.

Mark 14:7

Hanada'en nun'awotwot an pangdatanyuh iboddangyu ya nanongnan wadawadada i da'yu ot mabalin an kumpulnay algoh bumoddanganyun dida. Mu ha''on'e ya adi minaynayun di id'idduma' i da'yu.

Roma 10:21

Ot ibagana bon dida nan imbagan Apu Dios an a'atdan Judyu an alyonay, Nunhiglada bo aya te ta'on ahan on ay'u anal'alu'on dida ta abulutonda nan pamhod'un dida ya adida ahan donglon an onnot namaman adida donglon nadan tugun'u.

Roma 12:13

Ya hom'on ta'u nadan ibba ta'un kimmulug an munhapul hi boddang. Ya wadada'ey mangilih humawwang ya maphod on ipapto' ta'u dida.

Epesus 4:28

Ya wada'en da'yu ha mangako ya mahapul an idinongna ta humlu an e muntamu ta waday itanudna ya iboddangnah nadan ibbanan maligatan.

Deuteronomy 15:11

Ya hinan boble an umayanyu ya adi mabalin an ma"id ha nawotwot. Ot hiya nan ibaga' i da'yu ta mundadaan ayun bumoddang hinadan ibbayu ya nadan udum an mahapulday boddangyu.

Hebrew 13:16

Ya adi ta'u bo linglingon an mangat hi maphod ta hom'on ta'u nadan munhapul hi boddang te danaey umipa'amlong i Apu Dios hi i'nong ta'uh ad uwani.