Proberbs 3:28 - Nan Hapit Apu Dios

²⁸ Ta wada'ey umalin mumpaboddang ya adim alyon hi indanit bigat hi'on mabalin an boddangam i diyen algo.

Proberbs 3:28 ပူးပေါင်းရင်းမြစ်များ

Proberbs 27:1

Adim ilattuwag nan ninomnommun atom hi bigat te aggem innilay ma'at i he"ah bigat.

Ecclesiastes 11:6

Ya muntanom ta'u'e ya hanat ihipun ta'uh nan mawi"it ta ingganah nan himbatangan te ma"id ha mapto' hi'on nganne i dadiyey humango.

Ecclesiastes 9:10

Ya an amin nan tamuwan ta'u ya aton ta'uy abalinan ta'un mangat te nate ta'u'e ya ma"id mo ha alyon hi muntamu ta'u ya munnomnom ta'uh aton ta'u. Ya ma"id mo ha iyatan nan la'ing ya nomnom ta'u.

Kantan Solomon 5:3

Mu alyo' anu di, Umman teen numbollada' ya daan bo ha e munlubung. Ya inulaha' man ni' di huki' ot undan bo adi malugit.

Lebitikus 19:13

Ya adiyu kulukon onu akawan di ibbayun tagu. Ya adiyu attaon an ipabigat di pangidatanyuh nan bino'lan nan nuntamuwonyu.

2 Kulintu 8:11

Ta inaynayunyuh naen inhipunyu an ongal di naminhodyun mangidat an miyunnudan hinan abalinanyun idat.

2 Kulintu 9:3

Ot teen honago' datuwen tulun i'iba ta'u ta umalidan bumoddang i da'yu an mun'amung hinadan idatyu ta midadaan. Ta wan tigon datuwe nimpe an immannung nan imbagabaga' an a'atyu.

1 Timothy 6:18

Ya ibagam bo i dida ta wan nan maphod di iyal'aladaot an aton an umat hinan pammo'andah nadan tatagu ta adida ma''ukuh.