Proberbs 29:17 - Nan Hapit Apu Dios

¹⁷ Gahin di tugunom nan imbabalem ya ahi'a madinol an atona nan umipa'amlong i he''a.

Proberbs 29:17 ပူးပေါင်းရင်းမြစ်များ

Proberbs 10:1

Datuwe nadan udum an tugun Solomon. Nan nanomnoman an imbabale ya umipa'amlong hinan hi amana mu nan paddungnay ma''id ha nomnomna ya hiyay gapunah inomnoman nan hi inana.

Proberbs 13:24

Nan ammod an ta'on on nibahhoy at'atton nan imbabalena on adina titilgon ta wan matugun ya ma''id ha pamhodna i diyen imbabalena. Mu nan pohpohdonay imbabalena ya titilgona ta matugun.

Proberbs 19:18

Ihipunyun tugunon nadan imbabaleyu hinan amammanogda ta mabalin ni' an matudduwanda. Te adiyu'e aton hidi ya ayyu boddangan didan mamahbah nitaguwanda.

Proberbs 22:15

Nadan u''unga ya apyanadin nalgom di at'atonda. Mu titilgon'e dida ya lo'tat ya matugunda ta mipaphod di pangatda.

Proberbs 29:15

Nan panuplitan hinadan u''unga ta atugunanda ya bumoddang hi anomnomanda mu nan unga an adida pahiwon ta ukod i hiyah nan pinhodna ya lo'tat ya hiyay lummuh ibabainan nan a'ammodna.