Proberbs 23:22 - Nan Hapit Apu Dios

²² Donglom di tugun nan hi amam te ma''id'e ya undan namaag ya wada'a. Ya adim pahiwon hi inam hinan a'in'innaana.

Proberbs 23:22 ပူးပေါင်းရင်းမြစ်များ

Proberbs 1:8

He''an imbabale' ya ihamadmun unudon nan tugun da amam i inam.

Proberbs 15:20

Nan nanomnoman an imbabale ya waday pun'amlongan nan a'ammodnan hiya. Mu nan paddungnay ma"id ha nomnomna ya pihulonay a'ammodna.

Proberbs 30:11

Wadaday udum an tatagun idutanday hi amada ya atbohdin adi maphod di hapitondah nan hi inada.

Proberbs 30:17

Nan tagun ngohayonay hi amana onu pihulonay hi inana ya udu'dulnay ukiton di hamutiy matana ya nun'a'an di gayang di adolna.

Proberbs 6:20

Imbabale', unudom nan tugun amam ya atbohdin adim linglingon nadan intanuddun inam

Lebitikus 19:3

Ot mahapul an lispituwonyuy a'ammodyu. Ya mahapul an tungawonyu nan Habadun tungo. Ha"on nan Dios an dayawonyu.

Lebitikus 19:32

Ya ipatigoyuy punlispituyuh nadan ininna ya amamma. Te atonyu'ehdi ya atiganan ha"on di un'unudonyu. Ha"on hi Apu Dios.

Mark 7:10

an umat hinan inalin Apu Dios i handin ammod ta'un hi Moses an alyonay, Mahapul an ipapto'yu nadan a'ammodyu. Nan tagun idutanay hi amana onu hi inana ya mahapul an mipapate.

Deuteronomy 27:16

Ya alyonyu bon tinanud Libay di, Dusaon Apu Dios nan tagun pihulonay hi amana ya hi inana. Ya tobalon nadan tatagun alyonday, Hiya peman.