Proberbs 21:31 - Nan Hapit Apu Dios

³¹ Ya atbohdin ta'on on idadaan di tataguy kabayu hinan eda pi'gubatan mu gahin di hi Apu Dios di mangiyabulut hi pangabakanda.

Proberbs 21:31 ပူးပေါင်းရင်းမြစ်များ

2 Samuel 23:12

Mu hi Sammah ya immohnong hi gawwan diyen natanoman ot ilaputna an mi'gubat ta ingganaot abakona nadan i Pilistia an gapuh boddang Apu Dios.

Psalm 144:10

Te he"ay uggan bumoddang hinadan udum an patul ta nangabakdah gubat. Ya ta'on on ha"on an hi David an baalmu ya he''ay mangih'ihwang i ha"on.

Psalm 147:10

Bokon hay bikah nadan kabayu onu tindalu di umipa'amlong i hiya.

Psalm 20:7

Hanadan udum an tatagu ya pundinolanda nadan kalesadan e mi'gubat onu nadan kabayuda. Mu da'mi'e ya idinolmih nan ongal an abalinan Apu Dios.

Psalm 20:8

Ot dadiyen adi mundinol i Apu Dios ya ma'abakda ta madadagda mu da'mi'e ya nanongnan mangabak ami.

Psalm 3:3

Mu innila' Apu Dios an he''ay mangihwang i ha''on. Ya atbohdin pangabakona' ta mundongola'.

Psalm 3:8

Te innila' an he"ay mangihwang hi tatagu. Ot hanat wagahan da'mi bahan an tatagum.

Psalm 68:20

Te hiya an na'abbaktun Dios ya abalinanan mangipapto' ya mangihwang i dita'un tataguh ate.

Ecclesiastes 9:11

Hay udum bon na'adal'u ya bokon ammuna nadan ma'a'awwiging hi nanongnan mangaba'abak hi tinnagtagan ya athidi boh nadan mabikah an e mi'gubat ya ta'on on hanadan nun'anomnoman an bokon dida ya abuh di waday anonda ya bokon bo ammuna nadan na'la''ing hi kumadangyan onu nan nun'adal di midattan hi nabaktun sa'ad ta nangamung. Te bokon an namin di algo ya nanongnan maphod di ma'at.

Isaiah 31:1

Mahmo' ayun tatagu an e mumpaboddang hi ad Egypt te mundinol ayuh nadan iboddangda an usalonyu an mi'gubat an umat hi kabayu ya kalesa ya nadan titindaluda an nungkakabayu ta bokon nan nahamad an Dios an dayawon ta'un tinanud Israel di pumpaboddanganyu.

Jeremiah 3:23

Te nan emi nundayawan hi bubulul hinadan billid ya ma"id ha imboddangdan da'mi. Te he"a Apu Dios an madayaw ya abuh di mabalin hi bumoddang i da'mi.

1 Kulintu 15:57

Ot ongal di punhanaan ta'u i Apu Dios te an namin ta'un mundinol hinan Ap'apu ta'un hi Jesu Kristu ya middum ta'un hiyah tun pangabakana.