Proberbs 21:10 - Nan Hapit Apu Dios

¹⁰ Nan adi maphod di pangatnan tagu ya amod ahan on nan adi maphod di nomnomonah aton ya ma"id ha homo'nah ibbanan tagu.

Proberbs 21:10 ပူးပေါင်းရင်းမြစ်များ

Psalm 112:5

Ot mipa'amlong nan tagun nalakan mangdat hinadan mahapul di udum ya maphod ya nipto' di pangatna.

Psalm 112:9

Ya ongal di boddangnah nadan nun'awotwot ya nanongnan hummo' hi tatagu. Ta hiya nan ongal di punlispitun nadan tatagu i hiya.

Psalm 36:4

Ta ta'on on nibakilangdah nan alo'anda ya numanomnomdah adi maphod hi atonda. Ta ma''id nimpe ha alyondah idinongdan mangat hinadan adi maphod an impa'inghada.

Proberbs 12:12

Hay gagamgaman nadan adi maphod di nomnomda ya nan kinadangyan nadan udum mu nan maphod an tagu ya adi athidi te minaynayun nan maphod an pangatna.

Proberbs 14:21

Nan pamihulan hi ibban tagu ya bahul mu nan ma'uleh nadan mahmahmo' an tatagu ya mipa'amlong.

Proberbs 2:14

Ya hay pun'amlonganda ya nan pangatandah nadan adi maphod an bumahbah.

Proberbs 21:13

Nan tagun ma''id ha homo'nah nan nawotwot an e mumpaboddang i hiya ya indanit hiyay munhapul hi boddang ya ma''id ha mammo' i hiya.

Proberbs 21:9

Udu'dulna boy eta umiwe i ha allung mu hanan eta miha"ad i ha bale hi wahdi ha babaih ahawa hi ma'ngoddo.

Proberbs 3:29

Ya adim nomnomnomon an mangat hi adi maphod hinan hinaggonmun waday dinolnan he''a.

1 Kulintu 10:6

Ot hanat danaen na'na'at i handidan a'ammod ta'uy pangitigan ta'u ta adi ta'u aton nadan nibahhon pangat an umat hinadan ina'inatda.

James 2:13

Ot nan tagun ma''id ha homo'nah ibbana ya adi hom'on damdaman Apu Dios hitun punhumalyaana. Mu nan tagun waday homo'nah ibbanan tagu ya ma''id ha itakutnah tun panumalyaan Apu Dios i hiya.

1 John 2:16

Te hay impa'inghan di tataguh tun luta an umat hinan adi maphod an pun'amlongan an pohpohdon di adol ya nan nunhiglan omno ya nan e pangipabaktuwan hi adol ya agge nalpu i Ama ta'u te nalpuh nan punnomnom hitun luta.