Proberbs 20:28 - Nan Hapit Apu Dios

²⁸ Nan pun'ap'apuwan di ohan patul ya malinggop hi'on minaynayun di pamhodnan mumpapto' ya nipto' di atonan mangipanuh hinadan tataguna an ma''id ha pangipangngelana.

Proberbs 20:28 ပူးပေါင်းရင်းမြစ်များ

Psalm 101:1

Ikankanta' di pundayaw'un he"a Apu Dios ya ikankanta' nan ongal an pamhodmu ya nan nipto' an pangatmu.

Psalm 21:7

Athidiy ma'ma'at te ongal di dinol'u i he"a an na'abbaktun Dios. Ya gapuh nan munnananong an pamhodmun ha"on ya malinggop nan pun'ap'apuwa'.

Psalm 26:1

Apu Dios, hanat he"ay ukod an mangipa'innilah nadan tatagu an ma''id attog ha bahul'u. Te aggeya' attog nunduwaduwa an nundinol i he"a.

Psalm 40:11

Ot hana ahan Apu Dios ta minaynayun nan homo'mun ha"on. Ya atbohdi nan pamhodmu ya pangipapto'mun ha"on.

Psalm 61:7

Ya hanat iyabulutmu ta minaynayun di pun'ap'apuwana ya atbohdi nan punwagahmun hiya. Ya hanat nanongnay pangipapto'mun hiya an gapuh nan ongal an pamhodmu.

Proberbs 16:12

Nadan patul ya adida pohdon nan adi maphod an pangat te hay pumbikah di pumpapto'anda ya nan nipto' an pangat.

Proberbs 16:6

Mu nan tagun nanongnay pamhodna ya pundinolna i Apu Dios ya linglingonay numbahulana. Te nan tagun waday takutna i Apu Dios ya adina aton nadan adi maphod.

Proberbs 29:14

Nan ap'apu an mangita'dog hinadan nun'awotwot ta adida makuluk ya madney pun'ap'apuwana.

Proberbs 3:3

Ya adim idinong an mangipatigoh homo'muh ibbam an tagu ya adim ilaylayahhan dida ta aymu ibanggol nan nipto' an pangat ya atbohdin iha''admuh nomnommu ta ay nitudo' hidi.

Isaiah 16:5

Ya mumpatul mo nan tinanud David an ongal di ulena ya pamhodna ta nipto' di atonan mangipanuh hi tatagu.

Daniel 4:24

Ot hay ibalinan tuwen impa'innilan nan na'abbaktu an Dios ya nan ahi ma'at i he"a an patul