Proberbs 18:24 - Nan Hapit Apu Dios

²⁴ Wadaday munggagayyum an dida on nunhimpapa''ihda mu wadada boy munggayyum an himmalladah hinagi.

Proberbs 18:24 ပူးပေါင်းရင်းမြစ်များ

2 Samuel 1:26

Ta mahkit di nomnom'u hi natayan nan pohpohdo' an hi ibba' an hi Jonathan. Te ma"id ha nipaddungan di naminhodnan ha"on hinan pamhod di binabai.

2 Samuel 15:21

Mu alyon Ittay di, Nan wadawadan Dios ya innilana an ta'on on danay umayam an patulmi ya mi'yaliya' an ta'on on hiyay lummuh ataya'.

2 Samuel 16:17

Ya alyon Absalom i Husay di, On athituy pangipatigom hi naminhodmu i David an gayyummu? Tanganu on agge'a ni'yen hiya?

2 Samuel 21:7

Mu gapuh din nunsapataan da David i Jonathan ya aggena initbal an pi'patedah Mepiboset an imbabalen Jonathan.

Proberbs 17:17

Nan nahamad an gayyum ya minaynayun di pamhodna an umat hinan hi ibba an wada'ey punligatan ya bumoddang.

Proberbs 27:10

Adim iwalong nan nun'ibba'ibbam ya nan nun'ibba'ibban amam te mahapulmu'ey boddang hi udum hi algo ya diday pumpaboddangam ta adi mahapul an em ipa'ayag nan wadah nidawwin boble an hi ibbam.

Proberbs 27:9

Nan mapmaphod di hunghungnan lana ya nan insenso ya umipa'amlong an umat hinan maphod an tugun nan ibba.

1 Samuel 18:1

Ta nalpah an nunhapit da David i Saul ya nan imbabalen Saul an hi Jonathan ya pinpinhodnah David an umat hi naminhodnah adolna ta nawaday nahamad di nunggayyumanda.

1 Samuel 18:3

Ya gapuh naminhod Jonathan i David ya insapatana an munggayumdah inggana.