Proberbs 16:24 - Nan Hapit Apu Dios

²⁴ Nan ma'ulen hapit ya mi'alig hinan danum di iyukan an maphod hi pangngolan ya ipaphodnay punli'na.

Proberbs 16:24 ပူးပေါင်းရင်းမြစ်များ

Psalm 119:103

Te paddungnay munlumiih nadan tugunmu an inlumlumiihda mu hay danum di iyukan.

Psalm 19:10

Ta na'ballolda mu hay balitu'. Ya onha ipaddung hi makan ot inlumlumiihda mu hay danum di iyukan.

Proberbs 12:18

Wadaday udum an tatagun ay matadom an hinalung di hapitondan humugat. Mu nan hapiton nan immannung an nanomnoman ya ay agah an waday iboddangna.

Proberbs 15:23

Nan tagun maphod di pambalnah nan mahmahanda ya waday amlongna an namamah on waday iboddangnah nan nangngol.

Proberbs 15:26

Nan adi maphod an punnomnom ya umipabungot i Apu Dios mu nan ma'ulen hapit ya umipa'amlong i hiya.

Proberbs 17:22

Nan pun'am'amlongan di nomnom ya ay agah an ipaphodnay adol. Mu nan inomnoman ya lo'tat ya hidiyey lummuh pundogohan.

Proberbs 23:16

Ya namamay amlong'u hi'on donglo' an nipto' di panapitmu.

Proberbs 27:9

Nan mapmaphod di hunghungnan lana ya nan insenso ya umipa'amlong an umat hinan maphod an tugun nan ibba.

Proberbs 3:8

Te hidiyey mangipaphod hi punnomnom ya ta'on on hay adol ta mapmaphod di li'nana.

Proberbs 4:22

Te nan tagun mangun'unud i datuwen tugun ya nanongnan maphod di pi'taguwana ya pumhod di li'nan di adolna.

Ecclesiastes 12:10

Ot ada'adalo' on nganne nan nadadawoh an pangibaga. Ya immannung an nipto' datuwen intannudo"u.

Kantan Solomon 4:11

Ya ta'on on hanan banglun di lubungmu ya umat hi banglun di kayiw hinan billid an nungngadan hi Lebanon. Ya hana'en timidmu ya umat hi danum di iyukan. Ya paddungnay waday gatas ya danum di iyukan hi dilam.

Jeremiah 15:16

Hidin himmapitam i ha"on ya ongal di amlong'u an mangun'unud an gapu ta niyappita' i he"a an ongal di abalinanan Dios.

Deuteronomy 32:2

Ot hanat datuwen tudtudu' an ibagabaga' i da'yun i'iba' an tinanud Israel ya umat hinan udan an taguwonay nitanom ya umat boh nan dulnu an taguwonay holo'.

Nipa'innila 10:10

Ta inala' ot ano' ya immannung peman an malumiih. Mu hidi an pimmahad hi putu' ya nunhiglay paitna.