Proberbs 16:15 - Nan Hapit Apu Dios

¹⁵ Te mipa'amlong'e nan patul ya ongal di ma'iboddangnah nadan tatagun umat hinan udan an taguwonay nitanom.

Proberbs 16:15 ပူးပေါင်းရင်းမြစ်များ

Psalm 21:6

Ot immannung an nan wagahmun ha"on ya ma''id ha pogpogna. Ya nunhiglay amlong'u te innila' an wadawada'a an mumpapto' i ha"on.

Psalm 30:5

Manu te wa'e on bumungot hi Apu Dios mu agaggaon nabaoy bungotna. Mu hanan amaphodna ya punwagahna ya munnananong. Ot ta'on on ilablabi' an lumuwaluwa mu mabalin bo an pa'amlongona' hinan mawmawi"it.

Psalm 4:6

Apu Dios, hantudan udum ya alyonday, On daan ihya ta waha bumoddang i dita'u. Ot daan mo bahan Apu Dios ta ipatigom di ulem i da'mi.

Psalm 72:6

Ta nan maphod an pangipapto'na ya umat hinan udan an ipaphodna nadan nitanom.

Proberbs 16:14

Mu wa'e ta bimmungot nan patul ya waday mate. Mu nan nanomnoman an tagu ya innilanan mangalubyag hinan patul ta ma'aan di bungotna.

Proberbs 19:12

Nan bumungot an patul ya atatakut an umat hinan mun'olmom an layon. Mu hummo"e bo ya maphod te umat hinan udan an sibugana nan nitanom.

Proberbs 29:26

Nadan dakol an tatagu ya hay eda pumpaboddangan ya hinan ap'apu. Mu aggeda innilan hay nahamad hi pumpaboddangan ya hi Apu Dios te nan nipto' di ma'at.

Hosea 6:3

Ta hiya nan mahapul an aton ta'uy abalinan ta'u an manginnilah a'atna. Ot nundadaan an bumoddang i dita'u an umat hinan algo an on tuwali tumimil hinan mawmawi"it. Ya umat boh nan udan an umudan hinan punhapulan ta'u ta humango ya pumhod di nitanom.

Sekariah 10:1

Hinan puntanoman ta'u ya mahapul ta'uy udan. Ot hanat ibaga ta'un Apu Dios ta ipa'alinay udan te hiyay nangiphod hi bugut an alpuwan di udan. Ot pumhod'ey itanom ta'u ya pumhod ta'un namin.

Apostoles 2:28

Te impa'innilana tuwalih din hopapna an mahuwana' hi ataya'. Ta hiya nan mun'am'amlonga' te wadah Apu Dios i ha"on.