Matthew 14:23 - Nan Hapit Apu Dios

²³ Ta onda imme nadan tatagu ot umeh Jesus hinan bulludna an e nun'ohhan nundasal ta ingganah din mun'ahdom.

Matthew 14:23 ပူးပေါင်းရင်းမြစ်များ

Matthew 26:36

Ot inayun da Jesus hinadan itudtuduwana an umeh ad Getsemani. Ta onda dimmatong hidi ot alyonan diday, Umbun ayu ni' hitu ta eya' mundasal hidi dee.

Matthew 6:6

Ot hay maphod hi atonyu hi'on ayu mundasal ya ume ayuh nan ma''id ha al'ali ta ta'on on ayu ma'ohha ya nundasal ayu i Ama ta'un hi Apu Dios an adi matigo. Te hiyay manmannigo hi an namin nan at'atonyu ot hiyay ukod an mangdat hi gunggunayu.

Mark 1:35

Agge nabigat ot bumangon hi Jesus ot umeh nan ma''id ha tagu ot e mundasal.

Mark 6:46

Ta onda imme nadan tatagu ot umeh Jesus hinan bulludna an e mundasal.

Luke 3:21

Han hin'algo hidin agge ni' nibalud hi John ya dakolday immeh awadan John an e mumpabonyag ya imme damdamah Jesus an e mumpabonyag i hiya. Ta hidin nabonyagan ot mundasal ya niluwat hi ad abunyan.

Luke 5:16

Mu wa'e damdama on e nunhiwweh Jesus ta way atonan mundasal.

Luke 6:12

Wada han immayan Jesus i han nabillid ot ilablabinan dumasadasal hidi.

Luke 9:18

Ya wada han naminghan an ab'abbuh da Jesus hinadan itudtuduwana. Ta on hiyah nagibbuh an nundasal hi Jesus ot mahmahanah nadan itudtuduwanan alyonay, Nganney innilayuh alyon di tataguh niyata'?

Luke 9:28

Umeh waluy algoy nala''uh nihipun hi nangalyan Jesus i diye ya in'uyugnah Peter ya da John i James ot umedah nan nabillid ot eda mundasal hidi.

Apostoles 6:4

Ta way atonmin mangiyohhah nan tamumin mundasal ya muntudtuduh nan hapit Apu Dios.