Kantan Solomon 7:7 - Nan Hapit Apu Dios

⁷ Ya maphod nimpey nangadolmu an umat'a i ha natagen niyug ya nan palagpagmu'e ya paddungnay wahdi ha duwah bungana.

Kantan Solomon 7:7 ပူးပေါင်းရင်းမြစ်များ

Psalm 92:12

Hanadan umun'unud i Apu Dios ya pumhod di nitaguwanda ta umatdah nan kayiw an palma onu sedar hinadan billid an nungngadan hi Lebanon

Kantan Solomon 1:13

Mu ta'on on hiya ya umat i ha mapmaphod di hunghungna an mira an nitaluwan ot miyuhhun hi palagpag'u.

Kantan Solomon 1:15

He"an popohdo' ya immannung an apgohan'a. Te ta'on tuwalih on nadan matam ya mapmaphodda.

Kantan Solomon 4:5

Ya atbohdi nan palagpagmu an ayda wahdi ha duwan nundinommang an inlum di ulha an mangmangngan hi awadan di dakol an ha'ha'lung.

Kantan Solomon 7:3

Ya mapmaphod boy palagpagmu an ayda wahdi ha duwah nundinommang an inlum di ulha.

Kantan Solomon 7:6

Te nunhiglan apgohan'a an umipa'amlong'an ha"on.

Kantan Solomon 7:8

Ta pohdo' ahan tayyan e kayaton ta e' dapaon dadiyen bungana. Te dadiyen bungana ya umat i ha nabungul an greyp. Ya hanan yahyahmu ya nabanglu an umat hi banglun di mansanas.

Kantan Solomon 8:8

Waday hi ibbamin ung'ungngan babai. On nganne nin di atonmi hi'on waha umalih naminhod i hiya?

Isaiah 66:10

Ot da'yu an mangihakit ya naminpinhod hi ad Jerusalem ya middum ayu an mi'yam'amlong i dida.

Jeremiah 10:5

Hidiyen bulul ya ay kidlo hinan payo an adi humapit. Ya gahin di pahonon te adi dumallan. Ot adiyu takutan onu dayawon dida te ma"id ha abalinandan bumoddang ya ma"id ha abalinandan mangat hi adi maphod i da'yu.

Epesus 3:17

Ta wan dita'un kimmulug ya li'naon ta'u an wadawadah Kristu hinan nitaguwan ta'u. Ta wan an namin ta'u ya malmuy naminhod ta'uh ibba ta'u

Epesus 4:13

ta ingganah mumpapaddung di ihamadan di pangulug ta'u ya panginnila ta'uh nan Imbabalen Apu Dios. Ta lo'tat ya nahamad di aton ta'un mangun'unud hinan a'at Kristu.