Kantan Solomon 5:5 - Nan Hapit Apu Dios

⁵ Ya hidin e' ibughulan nan lala'in popohdo' ta e' idon hinan pundakigan ya muntodtod nan pabanglu an mira an ingkuyag'uh ta'le'.

Kantan Solomon 5:5 ပူးပေါင်းရင်းမြစ်များ

Kantan Solomon 1:16

Ta'on on he"a ya na'guwwapu'a an umipa'amlong'ah tigtiggon. Ya ta'on on tun indadaanmun bumbummaktadanta ya mayamoh an ma''atan holo'

Kantan Solomon 3:6

Nganne anu dayya dadiyen mangali an nalpuh nan na'appudut an agge naboblayan an umatda i ha natiplud an ahuk. Ya mahunghung an pun'iyaliday mira ya insenso an ginattangdah nadan mumpunggattang.

Kantan Solomon 5:13

Ya hana'en angahna ya umat hinan natanoman hi dakol an nun'abanglun nitanom. Ya atbohdi nan timidna an mipaddung hi ha'ha'lung an nalamuh hi bangbanglu an mira.

Kantan Solomon 5:2

Hidin nalo'a' ya ininop'un mungkulkug hinan panto nan lala'in popohdo' an alyonay, Inoh, ibughulana"e, te tehtu tayyan nahnong di ulu' hi dulnu.

Luke 12:36

Ta umat ayuh nadan tagala an tumukaldan mamannod hinan ap'apudan e ni'hamul. Ta wan hiyah kumolab ya ni'bagondan ibughulan.

2 Kulintu 7:7

Mu bokon hay dimmatngana ya abuh di immamlonganmi te ta'on on nadan inuhuhnan maphod an inatyun hiya. Ya imbagana bo an alyonyu anuy pinhodyun umaliya' hina. Mu hay nangipa'amlong ahan i da'mi ya nan imbaganan nuntutuyuwanyuh nadan adi maphod an inatyu ya hay nangun'unudanyuh nan intudo'min da'yu.

Epesus 3:17

Ta wan dita'un kimmulug ya li'naon ta'u an wadawadah Kristu hinan nitaguwan ta'u. Ta wan an namin ta'u ya malmuy naminhod ta'uh ibba ta'u

Nipa'innila 3:20

Nomnomnomonyu an waa' hinan way panto an mungkulkug ta nan mangngol ya mangipaghop i ha"on ya hiyay pi"ana' ya nanongna an hiyay pun'ib'ibba'.