Kantan Solomon 5:2 - Nan Hapit Apu Dios

² Hidin nalo'a' ya ininop'un mungkulkug hinan panto nan lala'in popohdo' an alyonay, Inoh, ibughulana"e, te tehtu tayyan nahnong di ulu' hi dulnu.

Kantan Solomon 5:2 ပူးပေါင်းရင်းမြစ်များ

Hidin Hopapna 29:20

Ta innayun mon Jacob an nuntamu i Laban hi pituy tawon. Mu hidiye ya ay ha atnay algo an gapuh nan ongal an naminhodna i Rachel.

Psalm 119:1

Mipa'amlong nadan nipto' di pangatda an un'unudonda nadan tugun Apu Dios.

Psalm 81:10

Te ha''on nan Dios an ap'apuyu an nangipangulun da'yu hi nalpuwanyuh ad Egypt. Ot hi'on iyohhayuy pangun'unudyun ha"on ya idat'un namin di mahapulyu.

Proberbs 23:26

Igongaham an imbabale' an lala'i ta nan pangiye''e' di un'unudom.

Kantan Solomon 1:16

Ta'on on he"a ya na'guwwapu'a an umipa'amlong'ah tigtiggon. Ya ta'on on tun indadaanmun bumbummaktadanta ya mayamoh an ma''atan holo'

Kantan Solomon 2:10

Indani ya himmapit an alyonay, Ma'a'e an apgohan an popohdo' ta mi'uyug'an ha''on.

Kantan Solomon 2:14

Na'alligat'a nayyan datngon te umat'ah palluma an e nipa"eh nan nadha' an batu. Daan mo bahan ta mumpatigo'a te pinhod'un tigon nan mapmaphod an angahmu. Ya pinhod'un donglon nan umipa'amlong an hapitmu.

Kantan Solomon 2:8

Tuwe nan lala'in popohdo' te dingngol'uy hapitna. Ot dayya tatawwa an miyoha"ohay da"angnan mangali.

Kantan Solomon 3:1

Ahodohodom on adi umaliy inlo"u hi punnomnom'uh nan lala'in popohdo'. Ta hihimlo' di humawwangana on ma"id.

Kantan Solomon 4:7

Te he"a an na'appinhod'u ya immannung an apgohan'a an ma"id ha apihulam.

Kantan Solomon 4:9

Te nunhiglay naminhod'un he"a. Ta ta'on on ammuna ha pangitigam i ha"on ya mumpagpag di puhu'. Ya ta'on tuwalih on hanan banggolmu ya umipa'amlong hi tigtiggon.

Kantan Solomon 5:11

Ya mapmaphod di uluna an umat hi amaphod di balitu'. Ya nakulut ya ma'angngitit di ibu'na an umat hi ngitit di gayang an hamuti.

Kantan Solomon 5:6

Mu hidin imbughul'u ya ma"id mon imme. Ta nunhiglan mahkit di nomnom'u. Ta mungkaliya' mu ma''id ha tumbal. Ot ipatna' an e hama'on mu ma''id ha hinama"un hiya.

Kantan Solomon 6:9

ya ma"id i dida ha nipaddung i he"an babain popohdo'. Te hay a'apgohmu ya umat hinan mapmaphod an palluma. Ta hiya nan he"ay pa'appohpohdon inam. Ta hiya nan tinigon'en nadan mumpangpangngilog an binabai on alyonday umipa'amlong di ababaim. Ta ta'on on hanadan ahawan di patul ya nadan mibilang hi ahawana ya alyonday immannung peman an apgohan di ababaim.

Kantan Solomon 7:9

Ta hiya nan hanan em pangawalan i ha"on ya umipa'amlong mu hay e panginuman hinan maphod an bayah. Ot onha mi'aliga' hi bayah ya hanat inumona' ta pa'attamtamona'.

Kantan Solomon 8:7

Ya ta'on on nan dimmakol an liting hinan wangwang ya adina abalinan an iyanud hidiyen pamhod. Ya adi mabalin an magattang di pamhod an ta'on on atnay kinadangyan nan tagu.

Isaiah 50:6

Ta inyabulut'u ta nunhoplatday bonog'u ya nunhupdutday balbas'u. Ya namaaggot dindinnongana' hidin nama'bainanda i ha"on ya hidin nuntokpaanday angah'u.

Isaiah 52:14

Mu ahi mano"ol di tatagu hi paniganda i hiya te nunnaud an ma"id ha pohod di tigon di adolna ta adi mimatunan an ay bokon taguh pangatda.

Daniel 8:18

Ya hidin munhapihhappit i ha"on ya namaag ya na'allo'ana' yaden nunnanong an nunlu'buba' hinan luta. Mu inidonan ha"on ot pata'dogona'

Sekariah 4:1

Indani ya immali bo nan anghel an ni'hapit ni' i ha"on ot bangonona' te aya' nalo'.

Matthew 7:8

Te nan mumbaga ya hiyay midattan. Ya nan mun'anap ya hiyay manama' hinan ana'anapona. Ya nan mungkulkug ya mibughulan.

Matthew 8:17

Ta hinaey nipa'annungan din impitudo' Apu Dios hinan propeta an hi Isaiah an alyonay, Hiyay munholtap hinan ligat an unhaot dita'uy lebbengna an manoltap.

Mark 1:35

Agge nabigat ot bumangon hi Jesus ot umeh nan ma''id ha tagu ot e mundasal.

Luke 22:44

Mu nunhiglay inomnoman Jesus ot dumasadasal ta ha'ey lingotna ya ay dala an muntodtod hinan luta.

Luke 6:12

Wada han immayan Jesus i han nabillid ot ilablabinan dumasadasal hidi.

Luke 9:32

Mu da Peter hinadan ibbana ya na'a''uyungda. Ta onda inggibo' ya tinigodan humiliy tigon Jesus ya tinigoda bo dadiyen duwan lala'in ni'ita'dog i hiya.

John 10:4

Ya ipanguluna'e dida ya mitnudda te imminghadan hiya.

Galasya 2:20

Ta aya' ni'yate i Kristu hidin nipata'anah nan krus ta din a'at'u ni' ya nahukkatan te hi Kristu moy wadah nan nitaguwa'. Ta hituwen nitaguwa' hi ad uwani ya inyukod'un namin hinan Imbabalen Apu Dios te hiya ya ongal di pamhodnan ha"on te inyatenay bahul'u ta wan mi'taguwa'.

Epesus 5:14

Wada han nitudo' an alyonay, He''an nalo' ya bumangon'a ta paddungnay timmagu'a ot hanat humawwang'ah nan nilubu'am ta wan patalan Kristu di punnomnommu.

Nipa'innila 14:4

Ya maphod di pangatda ya ma''id ha inilo'dah babai ya aggeda nalnalahhin. Ya dida nadan nitnunitnud i diyen Kalnero an nangiyateh bahulda ta diday namanguluh paddungnay ni'nong i Apu Dios ya i diyen Kalnero.

Nipa'innila 3:20

Nomnomnomonyu an waa' hinan way panto an mungkulkug ta nan mangngol ya mangipaghop i ha"on ya hiyay pi"ana' ya nanongna an hiyay pun'ib'ibba'.

Nipa'innila 3:4

Mu wahnada eh'ay oh'ohha i da'yuhna hi ad Sardis an agge na'na'yat i dadiyen adi maphod an pangat. Ot diday munlubung hi pulaw an mi'yalin ha"on te aggeda inwalong di pangulugdan ha"on.